రణ్వీర్- దీపికా పదుకొణె మధ్య మనస్పర్థలు.. అలాంటి వీడియోతో క్లారిటీ ఇచ్చిన స్టార్ జోడీ!
సినిమా ఇండస్ట్రీలో ఎందరో ప్రముఖులు రణ్వీర్ నటనను కొనియాడుతూ పోస్టులు పెడుతుంటే, ఆయన భార్య, స్టార్ హీరోయిన్ దీపికా పదుకొణె మాత్రం సోషల్ మీడియాలో ఎలాంటి పోస్ట్ పెట్టలేదు.
దిశ, సినిమా: బాలీవుడ్ స్టార్ హీరో రణ్వీర్ సింగ్, సారా అర్జున్, దర్శకుడు ఆదిత్య ధర్ కాంబినేషన్లో వచ్చిన మోస్ట్ అవేటెడ్ మూవీ ‘ధురంధర్: ది రివెంజ్’ (ధురంధర్-2) బాక్సాఫీస్ను షేక్ చేస్తోంది. ఉగాది కానుకగా విడుదలైన ఈ చిత్రం కేవలం కలెక్షన్ల పరంగానే కాకుండా, సినీ ప్రముఖుల ప్రశంసలను కూడా అందుకుంటూ దూసుకుపోతోంది. అయితే, ఈ భారీ సక్సెస్ మధ్య ఒక వింత చర్చ సోషల్ మీడియాలో మొదలైంది. సినిమా ఇండస్ట్రీలో ఎందరో ప్రముఖులు రణ్వీర్ నటనను కొనియాడుతూ పోస్టులు పెడుతుంటే, ఆయన భార్య, స్టార్ హీరోయిన్ దీపికా పదుకొణె మాత్రం సోషల్ మీడియాలో ఎలాంటి పోస్ట్ పెట్టలేదు. దీనిని గమనించిన కొందరు నెటిజన్లు రకరకాల ఊహాగానాలు మొదలుపెట్టారు. వీరిద్దరి మధ్య మనస్పర్థలు తలెత్తాయని, అందుకే దీపికా తన భర్త సక్సెస్ను సెలబ్రేట్ చేయడం లేదని ప్రచారం జరిగింది.
అంతటితో ఆగకుండా, ఈ స్టార్ కపుల్ త్వరలోనే విడాకులు తీసుకోబోతున్నారనే పుకార్లు షికారు చేయడంతో అభిమానులు తీవ్ర ఆందోళనకు గురయ్యారు. ఈ పుకార్లు సోషల్ మీడియాలో వైరల్ అవుతున్న సమయంలో, దీపికా పదుకొణె వాటికి తనదైన స్టైల్లో చెక్ పెట్టారు. తాజాగా, రణ్వీర్ సింగ్, దీపికా కలిసి ఒక డిన్నర్ డేట్కు వెళ్లిన వీడియోలు సోషల్ మీడియాలో వైరల్ అయ్యాయి. ఆ వీడియోల్లో ఇద్దరూ ఎంతో అన్యోన్యంగా, నవ్వుతూ కనిపించడంతో విడాకుల వార్తలన్నీ కేవలం పుకార్లేనని తేలిపోయింది. సోషల్ మీడియాలో పోస్ట్ పెట్టనంత మాత్రాన బంధం తెగిపోయినట్లు కాదని ఈ జంట చెప్పకనే చెప్పింది. దీంతో రణ్వీర్ అభిమానులు ఊపిరి పీల్చుకున్నారు. ఒకవైపు ‘ధురంధర్-2’ భారీ విజయంతో రణ్వీర్ కెరీర్ ఫుల్ జోష్లో ఉంటే, మరోవైపు వ్యక్తిగత జీవితం కూడా ఎంతో హ్యాపీగా సాగుతోందని ఈ వీడియోలతో స్పష్టమైంది.
