అది మా ఉద్దేశ్యం కాదు..దయచేసి మమ్మల్ని క్షమించండంటూ మణిరత్నం ఆసక్తికర కామెంట్స్

దిశ, సినిమా: కోలీవుడ్ స్టార్ హీరో కమల్ హాసన్(Kamal Haasan), మణిరత్నం కాంబినేషన్‌లో వచ్చిన లేటెస్ట్ మూవీ ‘థగ్‌లైఫ్’(Thuglife). యాక్షన్ డ్రామా నేపథ్యంలో తెరకెక్కిన ఈ సినిమాను రాజ్‌కమల్ ఇంటర్నేషనల్ ఫిలిమ్స్, మద్రాస్ టాకీస్ బ్యానర్స్‌పై కమల్ హాసన్, మణిరత్నం, ఆర్, మహేంద్రన్, శివ ఆనంత్ నిర్మించారు. ఇందులో హీరోయిన్‌గా స్టార్ బ్యూటీ త్రిష నటించగా.. శింబు, అభిరామి, ఐశ్వర్య లక్ష్మి(Aishwarya Lakshmi), అశోక్ సెల్వన్, జోజు జార్జ్, నాజర్, అలీ ఫజల్, పంకజ్ త్రిపాఠి(Pankaj Tripathi), రోహిత్ సరాఫ్ కీలక పాత్రలో కనిపించారు.

ఈ సినిమా భారీ అంచనాల మధ్య జూన్ 5న థియేటర్స్‌లోకి వచ్చి ప్రేక్షకులను మెప్పించలేకపోయింది. ఊహించినంత హిట్ అందుకోలేక ఘోర పరాజయం పాలైంది. అలాగే పలు ట్రోల్స్‌ను కూడా ఎదుర్కొంది. తాజాగా, ‘థగ్‌లైఫ్’ విఫలమవడంపై మణిరత్నం(Maniratnam) స్పందించారు. ‘‘మా నుంచి నాయకన్‌లాంటి సినిమా వస్తుందని అంతా అనుకున్నారు. ఎదురుచూసినవారందరికీ నేనొక్కటే చెప్పగలను దయచేసి మమ్మల్ని క్షమించండి.అది మా ఉద్దేశ్యం కాదు. మేము గతాన్ని తిరగరాయాలనుకోలేదు. ఏదైనా భిన్నంగా చేయాలనుకున్నాము. అంతా పూర్తి భిన్నమైనదేదో ఎక్స్‌పెక్ట్ చేశారు’’ అని చెప్పుకొచ్చారు. link