నుదుటిపై బొట్టుతో షాకిచ్చిన శ్రీముఖి.. కంగ్రాట్స్ అంటూ నెటిజన్ల కామెంట్స్! (వీడియో)

దిశ, సినిమా: టాలీవుడ్ స్టార్ యాంకరమ్మ శ్రీముఖి(Srimukhi) గురించి ప్రత్యేకంగా పరిచయం చేయాల్సిన పనిలేదు. బుల్లితెరపై అడుగుపెట్టినప్పటి నుంచే తన చలాకీతనం, ఎనర్జీ, తన మాటలతో ప్రేక్షకులను ఆకట్టుకుంటూ వస్తోంది. సాధారణ యాంకర్‌గా కాకుండా, షోకి ప్రాణం పోసే హోస్ట్‌గా ఆమెకు ప్రత్యేక గుర్తింపు ఉంది. చిన్న వయసులోనే ఇండస్ట్రీలోకి అడుగుపెట్టిన శ్రీముఖి.. కష్టపడి పైకి వచ్చిన సెలబ్రిటీలలో ఒకరు. యాంకరింగ్‌తో పాటు నటిగా కూడా తన సత్తా చాటుకుంది. పలు టీవీ సీరియల్స్‌లో నటించి గుర్తింపు తెచ్చుకున్న ఆమె, ఆ తర్వాత సినిమాల్లో అవకాశాలు అందుకుంది. కీలక పాత్రలు చేస్తూనే యాంకర్‌గా బిజీగా కొనసాగుతోంది. ఇక సోషల్ మీడియా విషయంలోనూ శ్రీముఖి దూకుడు తగ్గదు. ఫోటోషూట్లు, వీడియోలు, తన వ్యక్తిగత అభిప్రాయాలతో తరచూ ట్రెండింగ్‌లో ఉంటుంది. కొన్నిసార్లు ట్రోల్స్ ఎదురైనా.. వాటిని ధైర్యంగా ఎదుర్కొంటోంది.

ఇదిలా ఉంటే.. తాజాగా, శ్రీముఖికి సంబంధించిన వీడియో ఒకటి సోషల్ మీడియాలో వైరల్ అవుతోంది. ఇందులో ఆమె నుదుటిపై బొట్టు పెట్టుకొని కనిపించడం గమనార్హం. ఇక అది చూసిన వారంతా.. షాక్ అవుతూ.. ఆమెకు కంగ్రాట్స్ చెబుతున్నారు. పెళ్లి ఎవరిని? ఎప్పుడు చేసుకుందని అయోమయంలో పడిపోయారు. రకరకాలుగా చర్చించుకుంటున్నారు. అయితే అది ఓ సినిమాకు సంబంధించిన గెటప్ అని తెలుస్తోంది. ఇందులో శ్రీముఖి పెళ్లైన మహిళ పాత్రలో నటిస్తున్నట్లు సమాచారం. ప్రస్తుతం శ్రీముఖి ‘మా ఇంటి బంగారం’(maa inti bangaram) సినిమాతో ప్రేక్షకులను అలరించేందుకు సిద్ధమవుతోంది. అయితే ఈపెళ్లైన గెటప్ ఈ సినిమాలోనిదే. ఇందులో టాలీవుడ్ స్టార్ హీరోయిన్ సమంత ప్రధాన పాత్రలో కనిపించనుండగా.. నందినిరెడ్డి దర్శకత్వంలో రాబోతుంది. ట్రాలాలా పిక్చర్స్ బ్యానర్‌పై స్వయంగా సమంతనే నిర్మిస్తోంది. షూటింగ్ శరవేగంగా జరుపుకుంటున్న ఈ సినిమా నుంచి ఇప్పటికే విడుదలైన ఫస్ట్ లుక్ పోస్టర్, టీజర్ భారీ అంచనాలను పెంచాయి.