సినిమాలు చేస్తున్న సమయంలో కొన్నిసార్లు నాకు పిచ్చేక్కిపోయేది.. శ్రీలీల షాకింగ్ కామెంట్స్

దిశ, సినిమా: టాలీవుడ్ సెన్సేషన్ శ్రీలీల కేవలం డ్యాన్స్‌తోనే కాదు, తన పట్టుదలతో కూడా అందరినీ మెప్పించింది. క్రేజీ హీరోయిన్‌గా వరుస సినిమాలతో బిజీగా ఉన్నప్పటికీ, అత్యంత కష్టమైన MBBS పూర్తి చేసి డాక్టర్ పట్టా పుచ్చుకోవడం గమనర్హం. అయినప్పటికీ బాక్సాఫీసు వద్ద తన సత్తా చాటేందుకు గత కొద్ది కాలంగా హిట్ కోసం తాపత్రయపడుతున్న శ్రీలీల ఇటీవల ‘ఉస్తాద్ భగత్ సింగ్’ మూవీతో ప్రేక్షకుల ముందుకు వచ్చింది. కానీ ఈ చిత్రం భారీ అంచనాల మధ్య వచ్చి నెగెటివ్ టాక్‌ను రాబట్టుకుంది. దీంతో శ్రీలీల కెరీర్ డేంజర్‌లో పడింది. ఆమె నటిస్తున్న చిత్రాలన్నీ ఫ్లాప్ అవుతుండటంతో.. ఐరన్ లెగ్ అనే ముద్ర పడింది. ఇదిలా ఉంటే.. తాజాగా ఓ ఇంటర్వ్యూలో పాల్గొన్న ఈ భామ 'డాక్టర్ టు యాక్టర్' జర్నీ గురించి ఆసక్తికర విషయాలను పంచుకుంది. సినిమా గ్లామర్ ప్రపంచాన్ని, మెడిసిన్ లాంటి సీరియస్ చదువును ఎలా మేనేజ్ చేశావని యాంకర్ ప్రశ్నించగా.. శ్రీలీల తన సక్సెస్ సీక్రెట్ చెప్పింది. "ఈ ప్రయాణంలో సంకల్పం, సహనం చాలా ముఖ్యం. షూటింగ్‌లో ఉన్నప్పుడు నటిగా, ఇంటికి రాగానే విద్యార్థిగా మనసును మార్చుకోవడం నేర్చుకున్నాను. అప్పుడే రెండిటికీ న్యాయం చేయగలం" అని వివరించింది. ప్రయాణం అంత సులభంగా సాగలేదని శ్రీలీల నిజాయితీగా ఒప్పుకుంది. "కొన్ని రోజులైతే షూటింగ్ ఒత్తిడి, చదువు భారం చూసి నాకు పిచ్చెక్కిపోతుందేమో అనిపించేది. పగలు కెమెరా ముందు బిజీగా ఉండి, రాత్రి ఇంటికి రాగానే మళ్ళీ పుస్తకాలు తీయాల్సి వచ్చేది. కానీ ఆ ఒత్తిడిని కూడా నేను ఆస్వాదించాను. ఆ కష్టమే నాకు ఒక లక్ష్యాన్ని, తృప్తిని ఇచ్చింది" అని ఎమోషనల్ అయ్యింది. ఖాళీ సమయం దొరికితే చాలు చదువుకే కేటాయించేదాన్నని, మెడిసిన్ సబ్జెక్ట్ తనకు ఒక స్పష్టమైన గోల్‌ను ఇచ్చిందని శ్రీలీల పేర్కొంది. ప్రస్తుతం తెలుగు, తమిళ, హిందీ భాషల్లో భారీ ప్రాజెక్టులు చేస్తున్న ఈ బ్యూటీ డాక్టర్‌గా, నటిగా తనదైన ముద్ర వేస్తోంది.