పీరియడ్స్.. కూతురి అనారోగ్యం.. తప్పని పరిస్థితుల్లో ఆ పాట చేశా.. : శ్రియా సరన్
దిశ, సినిమా : సెకండ్ ఇన్నింగ్స్‌లో వరుస సినిమాలతో అదరగొడుతున్న శ్రియా సరన్.. ప్రజెంట్ ‘మ్యూజిక్ స్కూల్’ ప్రమోషన్స్‌లో బిజీగా ఉంది. ఈ క్రమంలో ‘ఏవో సరాగాలు’ పాటకు సంబంధించిన స్పెషల్ స్టోరీ షేర్ చేసింది. ఈ సాంగ్ చిత్రీకరణ సమయంలో చాలా కష్టమనిపించిందని తెలిపింది. తన కూతురు అప్పుడు ఎనిమిది నెలల వయసు ఉందని, తనకు అనారోగ్యం ఉండటంతో చాలా భయపడ్డానని చెప్పింది. గోవాలో షూటింగ్ జరుపుకున్న ఈ సాంగ్ చేస్తున్నప్పుడు పీరియడ్స్ కూడా వచ్చాయని చాలా ఇబ్బంది పడ్డానని చెప్పింది. ఇన్ని ఒత్తిళ్లతో ఉన్న తనను కోస్టార్ శర్మన్ జోషి అర్థం చేసుకుని ఎంకరేజ్ చేశాడని.. ఆయన అమేజింగ్ యాక్టర్ అని ప్రశంసలు కురిపించింది. ఇళయరాజా సంగీతం సమకూర్చిన ఈ పాట మ్యాజిక్ చేస్తుందన్న ఆమె.. మే 12న థియేటర్స్‌లో రిలీజ్ కానున్న ‘మ్యూజిక్ స్కూల్’ను ఆదరించాలని కోరింది.
Next Story
