‘షో మ్యాన్’‌గా రాబోతున్న ఆర్జీవీ.. షాకింగ్ పోస్టర్ విడుదల చేసిన మేకర్స్

దిశ, సినిమా: నిజ జీవితంలో ‘షో మ్యాన్’ అయిన సంచలన దర్శకుడు రాంగోపాల్ వర్మ(Ram Gopal Varma) టైటిల్ రోల్ ప్లే చేస్తున్న చిత్రం ‘షో మ్యాన్’(Showman). ఈ మూవీ ‘మ్యాడ్ మాన్స్టర్’ ట్యాగ్ లైన్ రాబోతుంది. ప్రముఖ నటుడు సుమన్ (Suman)ఇందులో విలన్‌గా నటిస్తుండడం విశేషం. సుమన్ విలన్‌గా నటించిన రజినీకాంత్ చిత్రం ‘శివాజీ’ ఎంతటి సంచలనం సృష్టించిందో అందరికీ తెలిసిందే. ఈ సినిమాకు ‘నూతన్’ అనే నూతన దర్శకుడు ఈ చిత్రంతో తెలుగు ఇండస్ట్రీకి పరిచయం కాబోతున్నాడు. ఆర్జీవీతో ఇంతకుముందు ‘ఐస్ క్రీమ్-1, ఐస్ క్రీమ్-2 చిత్రాలు నిర్మించి, ఆయనతో ప్రత్యేక అనుబంధం కలిగిన ప్రముఖ నిర్మాత తుమ్మలపల్లి రామసత్యనారాయణ... ఓ ప్రముఖ కార్పొరేట్ సంస్థతో కలిసి... భీమవరం టాకీస్ పతాకంపై ప్రొడక్షన్ 120గా ఈ చిత్రాన్ని నిర్మిస్తున్నారు. రాంగోపాల్ వర్మకు అత్యంత ప్రీతిపాత్రమైన గ్యాంగ్ స్టర్ బ్యాక్ డ్రాప్‌లో తెరకెక్కుతున్న ఈ సినిమాకు సంబంధించిన షూటింగ్ కూడా స్టార్ట్ చేశారు.. సంక్రాంతికి ట్రైలర్ విడుదల చేసేందుకు సన్నాహాలు చేస్తున్నామని నిర్మాత తుమ్మలపల్లి రామసత్యనారాయణ తెలిపారు. రాంగోపాల్ వర్మ హీరోగా... సుమన్ విలన్‌గా నటిస్తున్న ఈ చిత్రంపై ప్రేక్షకుల్లో ఆసక్తి నెలకొంది.