Rashmika Mandanna: న్యూ బిగినింగ్స్.. చాలా ఎక్జైట్‌మెంట్‌తో ఉన్నానంటూ రష్మిక మందన్నా పోస్ట్..

దిశ, సినిమా: టాలీవుడ్ స్టార్ హీరోయిన్ రష్మిక మందన్న(Rashmika Mandanna) ‘ఛలో’ సినిమాతో తెలుగు ఇండస్ట్రీకి వచ్చింది. ఆ తర్వాత గీతా గోవిందం, సరిలేరు నీకెవ్వరు, పుష్ప, సీతారామం వంటి సినిమాలతో హిట్స్ సాధించింది. ఇక ‘పుష్ప’ చిత్రంతో ప్రపంచవ్యాప్తంగా ఫుల్ పాపులారిటీ దక్కించుకుని నేషనల్ క్రష్‌గా మారిపోయింది. తెలుగు, తమిళ, హిందీ భాషల్లో వరుస చిత్రాల్లో నటిస్తూ ఫుల్ బిజీ బిజీగా గడుపుతోంది. ఇటీవల యానిమల్ (ANIMAL), పుష్ప-2, ఛావా వంటి చిత్రాలతో బ్యాక్ టు బ్యాక్ హిట్స్ సాధించింది. ప్రస్తుతం ఈ అమ్మడు ‘కుబేర’ సినిమాతో ప్రేక్షకుల ముందుకు రాబోతుంది. శేఖర్ కమ్ముల(Shekhar Kammula) దర్శకత్వంలో రాబోతుంది.

ఇక ఇందులో నాగార్జున(Nagarjuna), కోలీవుడ్ స్టార్ ధనుష్(Dhanush) ప్రధాన పాత్రలో నటిస్తున్నారు. షూటింగ్ శరవేగంగా జరుపుకుంటున్న ఈ మూవీ జూన్ 20న థియేటర్స్‌లోకి రాబోతుంది. ఈ చిత్రంతో పాటు రష్మిక మందన్న ‘ది గర్ల్ ఫ్రెండ్’ మూవీ కూడా చేస్తోంది. అలాగే సోషల్ మీడియాలోనూ ఫుల్ యాక్టివ్‌గా ఉంటున్న నేషనల్ క్రష్ పలు పోస్టులు షేర్ చేస్తుంది. తాజాగా, రష్మిక ఓ ఇంట్రెస్టింగ్ పోస్ట్ పెట్టింది. ‘‘కొత్త ప్రారంభాల వల్ల చాలా ఉత్సాహంగా ఉన్నాను. నా ఎప్సన్ ఎకోట్యాంక్ ప్రింటర్‌లో ఎప్పటిలాగే ముద్రించబడింది’’ అనే క్యాప్షన్ ఇచ్చింది. ఇక అది చూసిన నెటిజన్లు అది నీ కొత్త సినిమా స్క్రిప్ట్ కదా.. అని అంటున్నారు. అలాగే రష్మిక అందాన్ని పొగుడుతూ ప్రశంసలు కురిపిస్తున్నారు.