రాఖీ గిఫ్ట్ రెడీ.. తమన్నా, సిద్ధార్థ్ మల్హోత్రా ‘వివాన్’ సినిమా రిలీజ్ డేట్ ఫిక్స్

దిశ, సినిమా: టాలీవుడ్ స్టార్ హీరోయిన్ తమన్నా భాటియా, బాలీవుడ్ స్టార్ హీరో సిద్ధార్థ్ మల్హోత్రా క్రేజీ కాంబినేషన్‌లో వస్తున్న లేటెస్ట్ మూవీ ‘వివాన్’. ఈ సినిమా అనౌన్స్ చేసినప్పటి నుంచి అటు నార్త్, ఇటు సౌత్ ప్రేక్షకుల్లో భారీ అంచనాలు నెలకొన్నాయి. తాజాగా ఈ సినిమా విడుదలకు సంబంధించి చిత్ర యూనిట్ ఒక అదిరిపోయే అప్‌డేట్ ఇచ్చింది. ఈ ఏడాది రక్షాబంధన్ కానుకగా ‘వివాన్’ చిత్రాన్ని ప్రేక్షకుల ముందుకు తీసుకురావాలని మేకర్స్ నిర్ణయించారు. ఆగస్ట్ 28న ఈ సినిమా గ్రాండ్‌గా థియేటర్లలో విడుదల కాబోతున్నట్లు అధికారికంగా ప్రకటించారు. పండగ సెలవుల నేపథ్యంలో ఈ సినిమా బాక్సాఫీస్ వద్ద మంచి వసూళ్లను రాబడుతుందని చిత్ర బృందం ధీమా వ్యక్తం చేస్తోంది. ఈ సినిమాను ప్రతిభావంతులైన దర్శకులు అరుణకుమార్, దీపక్ మిశ్రా సంయుక్తంగా తెరకెక్కిస్తున్నారు.

వీరిద్దరూ కలిసి ఈ కథను చాలా కొత్తగా, ప్రేక్షకుల మనసు గెలుచుకునేలా రూపొందించినట్లు తెలుస్తోంది. ఇక ఈ భారీ ప్రాజెక్టును బాలాజీ మోషన్ పిక్చర్స్ బ్యానర్‌పై ప్రముఖ నిర్మాత ఏక్తా కపూర్ నిర్మిస్తున్నారు. క్వాలిటీ విషయంలో ఎక్కడా రాజీ పడకుండా ఈ సినిమాను నిర్మించినట్లు సమాచారం. సిద్ధార్థ్ మల్హోత్రా, తమన్నా భాటియా తొలిసారిగా కలిసి నటిస్తుండటంతో వీరిద్దరి కెమిస్ట్రీ వెండితెరపై ఎలా ఉండబోతుందోనని అభిమానులు ఎంతో ఆసక్తిగా ఎదురుచూస్తున్నారు. ఇప్పటికే విడుదలైన కొన్ని స్టిల్స్ సోషల్ మీడియాలో వైరల్ అయ్యాయి. యాక్షన్, ఎమోషన్ కలగలిసిన ఒక విభిన్నమైన కథాంశంతో ఈ ‘వివాన్’ రూపొందుతున్నట్లు టాక్ వినిపిస్తోంది. రిలీజ్ డేట్ ప్రకటించడంతో ఇక ప్రమోషన్స్ కూడా స్పీడప్ చేయాలని మేకర్స్ ప్లాన్ చేస్తున్నారు.