‘లియో’ చిత్రంలో పవన్ కళ్యాణ్.. ఇదెక్కడి ట్విస్ట్ రా బాబు..!

దిశ, సినిమా: తమిళ హీరో విజయ్, దర్శకుడు లోకేష్ కనకరాజ్ కాంబోలో తెరకెక్కిన ‘లియో’ చిత్రం ఈ నెల 19న ప్రపంచ వ్యాప్తంగా విడుదల కాబోతుంది. అయితే ముందు నుండి ‘విక్రమ్’ సినిమాలో రోలెక్స్ పాత్ర క్లైమాక్స్ లో ఎలా అయితే వస్తుందో, ‘లియో’ చిత్రం క్లైమాక్స్ లో కూడా ప్రముఖ స్టార్ హీరో ఎంట్రీ ఇస్తాడని.. ఇక ఆ హీరో ఎవరు, ఏమిటి అనేది సర్ ప్రైజ్ అంటూ మూవీ టీం ఊరిస్తున్న విషయం తెలిసిందే. కాగా ఆ స్టార్ హీరో మెగా పవర్ స్టార్ రామ్ చరణ్ అని టాక్ వినిపించినప్పటికి తాజాగా మరో స్టార్ పేరు వినపడుతుంది. అయితే రీసెంట్ గా ఈ ‘లియో’ చిత్రంలో పవన్ కళ్యాణ్ ఉంటాడని మరో బాంబు పేల్చింది ఆ చిత్రం ఓవర్సీస్ డిస్ట్రిబ్యూటర్. అంటే దాని అర్థం పవన్ కళ్యాణ్ ఈ మూవీలో ఉండడం కాదు, ఇంటర్వెల్ వచ్చినప్పుడు పవర్ స్టార్ లేటెస్ట్ చిత్రం ‘ఓజీ’ గ్లింప్స్ వీడియోని ప్లే చేస్తారట.