ఇండ‌స్ట్రీని దున్నేస్తున్న హీరో నాని..ఏకంగా రూ.458 కోట్లా?

దిశ‌, వెబ్ డెస్క్: టాలీవుడ్ ఇండస్ట్రీలో హీరో నాని గురించి ఎంత చెప్పినా తక్కువే అవుతుంది. అసిస్టెంట్ దర్శకుడు నుంచి స్టార్ హీరోగా ఎదిగిపోయారు నాని. హీరో నాని ఏ సినిమా చేసిన మినిమం గ్యారెంటీ ఉంటుంది. నానితో సినిమా చేసిన నిర్మాత‌లు గుండెలపై చేయి వేసుకొని హాయిగా నిద్రపోతారు. అయితే ఈ నేపథ్యంలోనే దాదాపు టాలీవుడ్ ఇండస్ట్రీలో ముగ్గురు హీరోల కంటే ఎక్కువ కలెక్షన్స్ రాపడుతున్న హీరోగా నాని చరిత్ర సృష్టించినట్లు సోషల్ మీడియాలో వార్తలు వైరల్ అవుతున్నాయి.

విజయ్ దేవరకొండ, నాగచైతన్య, రామ్ పోతినేని సినిమాలతో పోలిస్తే హీరో నానినే పై చేయి సాధించాడట. నాని గత ఐదు సినిమాలలో మొత్తం రూ.458 కోట్లు రాబట్టినట్లు టాలీవుడ్ సర్కిల్స్ లో టాక్ నడుస్తోంది. అంటే యావరేజ్ గా ఒక్కో సినిమాకు రూ.91 కోట్లు హీరో నాని తీసుకువచ్చాడట. అదే విజయ్ దేవరకొండ తన గడిచిన ఐదు సినిమాల్లో చిత్ర బృందానికి రూ.264 కోట్లు తీసుకువచ్చాడట. నాగచైతన్య రూ.231 కోట్లు, రామ్ పోతినేని రూ.220 కోట్లు మాత్రమే తెచ్చి పెట్టాడట. అంటే ఈ లెక్కన చూస్తే అందరికంటే నానినే టాప్ లో ఉన్నాడు. దీంతో నాని పై ప్రశంసల వర్షం కురుస్తోంది.