నా పూర్తి మద్దతు నీకే.. సెన్సేషనల్ బ్యూటీపై కంగనా రనౌత్ ప్రశంసల వర్షం

దిశ, సినిమా: ఆదిత్య ధర్ (Aditya Dhar)దర్శకత్వంలో వచ్చిన ‘ధురంధర్’(Dhurandhar) చిత్రంతో దేశవ్యాప్త గుర్తింపు పొందిన యంగ్ హీరోయిన్ సారా అర్జున్ (Sara Arjun)ఇప్పుడు నిత్యం వార్తల్లో నిలుస్తోంది. ఆమె నటనకు, స్క్రీన్ ప్రెజెన్స్‌కు ప్రేక్షకులు ఫిదా అవ్వడమే కాకుండా, బాలీవుడ్ ఫైర్ బ్రాండ్ కంగనా రనౌత్(Kangana Ranaut) నుండి ప్రశంసలు దక్కడం విశేషం. ఇటీవల మహాశివరాత్రి సందర్భంగా ఈషా ఫౌండేషన్‌లో సారా అర్జున్ పాల్గొన్న వీడియోను కంగనా తన ఇన్‌స్టాగ్రామ్ స్టోరీలో షేర్ చేస్తూ ‘‘అద్భుతమైన యువతి, చాలా సహజంగా.. మూలాలను మరిచిపోకుండా ఉంది. నువ్వు ఇంకా గొప్ప స్థాయికి ఎదగాలి. నీకు నా పూర్తి మద్దతు ఉంటుంది’’ అంటూ కంగనా రాసుకొచ్చింది. ఇక ‘ధురంధర్’ విడుదల సమయంలో కూడా ఈ సినిమాపై కంగనా స్పందించి ప్రశంసలు కురిపించిన విషయం తెలిసిందే. ఇప్పుడు మరోసారి సారా అర్జున్‌ను పొగడటంతో ఈ పోస్ట్ కాస్త సోషల్ మీడియాలో వైరల్ అవుతోంది.

కాగా.. సారా అర్జున్ విషయానికొస్తే.. నటుడు రాజ్ అర్జున్ కుమార్తె అయిన సారా, కేవలం ఒకటిన్నర ఏళ్ల వయస్సులోనే యాడ్స్‌లో పాల్గొని కెరీర్ ప్రారంభించింది. ‘దైవ తిరుమగళ్’ (తెలుగులో ‘నాన్న’), ‘శైవం’ వంటి చిత్రాల్లో బాలనటిగా అద్భుతంగా నటించిన సారా, ‘ధురంధర్’ సినిమాతో హీరోయిన్‌గా పరిచయమైంది. ఇందులో రణవీర్ సింగ్ (హంజా)ను ప్రేమించే రెబల్ యువతి పాత్రలో కనిపించి ఆమె దేశవ్యాప్త గుర్తింపు తెచ్చుకుంది. తాజాగా.. గుణశేఖర్ దర్శకత్వంలో వచ్చిన ‘యుఫోరియా’లో కూడా ఆమె నటించింది. ఈ సినిమా కూడా బ్లాక్ బస్టర్ హిట్ కావడంతో అమ్మడు క్రేజ్ ఊహించని విధంగా పెరిపోయింది. ఇక తెలుగు, హిందీలో అమ్మడుకి వరుస అవకాశాలు వస్తాయనడంలో ఎలాంటి సందేహం లేదు.