యూత్కు స్పెషల్ ట్రీట్.. ‘కపుల్ ఫ్రెండ్లీ’ రిలీజ్ డేట్ ప్రకటించిన మూవీ మేకర్స్
తాజాగా మూవీ మేకర్స్ అధికారికంగా ‘కపుల్ ఫ్రెండ్లీ’ రిలీజ్ డేట్ను ప్రకటించారు. ప్రేమికుల రోజు కానుకగా ఈ సినిమాను ఫిబ్రవరి 14 (వాలెంటైన్స్ డే) న థియేటర్లలోకి తీసుకురానున్నట్లు వెల్లడించారు.
దిశ, సినిమా: సంతోష్ శోభన్(Santosh Shobhan), మానసా వారణాసి(Manasa Varanasi) జంటగా నటిస్తున్న లేటెస్ట్ లవ్ రొమాంటిక్ మూవీ ‘కపుల్ ఫ్రెండ్లీ’(Couple-friendly). చెన్నై నేపథ్యంగా తెరకెక్కుతున్న ఈ చిత్రానికి అశ్విన్ చంద్రశేఖర్(Ashwin Chandrasekhar) దర్శకత్వం వహిస్తుండగా, ప్రముఖ నిర్మాణ సంస్థ యూవీ క్రియేషన్స్ బ్యానర్పై నిర్మిస్తున్నారు. యూత్కు కనెక్ట్ అయ్యే కథ, మోడ్రన్ రిలేషన్షిప్ టచ్తో ఈ సినిమాను తెరకెక్కిస్తున్నట్లు ఇప్పటికే వచ్చిన అప్డేట్స్ చెబుతున్నాయి. సంగీత దర్శకుడు ఆదిత్య రవీంద్రన్ అందిస్తున్న పాటలు, బ్యాక్గ్రౌండ్ స్కోర్ సినిమాకు ప్రధాన ఆకర్షణగా నిలవనున్నాయని సమాచారం.
ప్రస్తుతం షూటింగ్ శరవేగంగా జరుగుతుండగా, ఇప్పటికే విడుదలైన పోస్టర్స్, టీజర్, గ్లింప్స్ ప్రేక్షకులను బాగా ఆకట్టుకున్నాయి. ముఖ్యంగా లవ్, ఫన్, ఎమోషన్ మేళవింపుతో ఉన్న విజువల్స్ యూత్లో మంచి బజ్ క్రియేట్ చేశాయి. తాజాగా మూవీ మేకర్స్ అధికారికంగా ‘కపుల్ ఫ్రెండ్లీ’ రిలీజ్ డేట్ను ప్రకటించారు. ప్రేమికుల రోజు కానుకగా ఈ సినిమాను ఫిబ్రవరి 14 (వాలెంటైన్స్ డే) న థియేటర్లలోకి తీసుకురానున్నట్లు వెల్లడించారు. ఈ అనౌన్స్మెంట్తో సినిమాపై అంచనాలు మరింత పెరిగిపోయాయి. అంతేకాకుండా రిలీజ్ డేట్ పోస్టర్ను కూడా షేర్ చేశారు.
అందులో హీరో, హీరోయిన్ ఇద్దరూ మిద్దెపై నిల్చొని పాటలు వింటూ ఎక్కడో దూరంగా ఆసక్తిగా చూస్తున్నట్లు కనిపించడం ప్రేక్షకులను ఆకట్టుకుంటోంది. ఈ పోస్టర్ సినిమాకు సంబంధించిన ఫీల్గుడ్ వైబ్స్ను స్పష్టంగా చూపిస్తోందని అభిమానులు కామెంట్స్ చేస్తున్నారు. యూత్, లవ్ స్టోరీ లవర్స్ ఈ సినిమాను సెలబ్రేట్ చేయాలని మేకర్స్ పిలుపునిచ్చారు. మొత్తానికి, వాలెంటైన్స్ డేకు ‘కపుల్ ఫ్రెండ్లీ’ ఒక పర్ఫెక్ట్ రొమాంటిక్ ట్రీట్గా నిలవబోతోందనే టాక్ వినిపిస్తోంది.
Read More..
