‘7 యాంగిల్స్‌లో కనిపిస్తా.. సల్మాన్‌తో చేయడం అద్భుతం’.. క్యూరియాసిటీ పెంచేసిన కత్రిన

దిశ, సినిమా: అప్ కమింగ్ మూవీ ‘టైగర్ 3’ గురించి నటి కత్రినా కైఫ్ ఆసక్తికర విషయాలు వెల్లడించింది. సల్మాన్ ఖాన్ హీరోగా వస్తున్న ఈ సినిమా నవంబర్ 12న విడుదలకానుండగా జోరుగా ప్రచారం చేస్తోంది కత్రిన. ఈ సందర్భంగా మూవీలోని ఫస్ట్ సాంగ్‌ను దసరా కానుకగా రిలీజ్ చేయనున్నట్లు తెలిపింది. ఈ మేరకు టర్కీలాంటి సుందరమైన ప్రదేశాల్లో చిత్రీకరించిన ఈ సాంగ్ తనకెంతో ఇష్టమైనదని చెప్పింది. ‘ఇందులో నేను 7 రకాల లుక్స్‌లో కనిపిస్తా. ప్రతీది గ్లామర్‌గా ఉంటుంది. దేనికదే ప్రత్యేకమైనది. ఈ చిత్రానికి పాటలు హైలైట్‌గా నిలుస్తాయి. మా ఇద్దరి నుంచి అభిమానులు కోరుకుంటున్నది ‘లేకే ప్రభు కా నామ్’లో దొరుకుతుంది. సల్మాన్‌తో డ్యాన్స్ చేయడం అద్భుతంగా ఉంటుంది. ఈ సాంగ్ మాకు ఎప్పటికీ గుర్తిండిపోయే జ్ఞాపకాలను ఇచ్చింది’ అంటూ హ్యాపీగా ఫీల్ అయింది.