Kannappa : మంచు విష్ణు ‘కన్నప్ప’లోకి కన్నడ సూపర్ స్టార్.. ఆయనే సర్వం అంటూ

దిశ, సినిమా: టాలీవుడ్ హీరో మంచు విష్ణు అప్ కమింగ్ డ్రీమ్ ప్రాజెక్ట్ ‘కన్నప్ప’. ఎంతో ప్రతిష్టాత్మకంగా తెరకెక్కించబోతున్న ఈ పౌరాణిక కథలో ఇప్పటికే పలువురు స్టార్స్ కీలకపాత్రల్లో నటించబోతుండగా.. తాజాగా మరికొందరు ఈ మూవీ టీమ్‌లో జాయిన్ కాబోతున్నట్లు తెలుస్తోంది. రెబల్ స్టార్ ప్రభాస్, మలయాళ సూపర్ స్టార్ మోహన్ లాల్, నయనతార పేర్లు ఇప్పటికే ఫైనల్ కాగా.. తాజాగా కన్నడ స్టార్ హీరో శివరాజ్ కుమార్ సైతం ఇందులో భాగం కాబోతున్నట్లు చిత్ర బృందం అనౌన్స్ చేసింది.

ఈ మేరకు ‘ఆయనే సర్వం.. ఆయనే విశ్వం’ అంటూ శివరాజ్ కన్నడలో నటించిన ‘కన్నప్ప’ నుంచి ఓ పాత ఫొటోను షేర్ చేస్తూ అభిమానులు నెట్టింట ట్రెండ్ చేస్తున్నారు. ఇక దీనిపై స్పందించిన విష్ణు.. ‘హర హర మహాదేవ’ అని కామెంట్ చేశాడు. ఇక మోహన్ బాబు నిర్మిస్తున్న సినిమా చిత్రీకరణ ప్రస్తుతం న్యూజిలాండ్‌లో జరుగుతున్న విషయం తెలిసిందే. కాగా మరిన్ని అప్ డేట్స్ వెలువడే అవకాశం ఉన్నట్లు సమాచారం.