కడపలో 'జాతిరత్నాలు' హీరోయిన్ హంగామా..

దిశ, సినిమా : 'జాతిరత్నాలు' సినిమాతో టాలీవుడ్‌కు ఎంట్రీ ఇచ్చిన హీరోయిన్ ఫరియా అబ్దుల్లా.. మొదటి చిత్రంతోనే మంచి హిట్ అందుకుంది. ఈ సినిమాతో తనకంటూ సెపరేట్ ఫ్యాన్ ఫాలోయింగ్, గుర్తింపు సాధించుకున్న ఫరియా తాజాగా ఆంధ్రప్రదేశ్‌లోని కడప నగరంలో తళుక్కుమంది. గురువారం కడప జిల్లా అల్మాస్‌పేటలో కొత్తగా ఏర్పాటు చేసిన 'వావ్ హీరో' షోరూమ్ ప్రారంభోత్సానికి అతిథిగా హాజవరగా.. ఈ బ్యూటీని చూసేందుకు స్థానికులు ఎగబడ్డారు. కాగా ఈ ప్రారంభోత్సవానికి విచ్చేసిన ఏపీ డిప్యూటీ సీఎం అంజాద్ బాషా, మేయర్ సురేశ్ బాబు, ఎండీ నవీన్‌తో కలిసి ఫరియా జ్యోతి వెలిగించారు.