Deepika Padukone: అలాంటి కథల కోసం వెతుకుతున్నా.. బిగ్ షాకిచ్చిన దీపికా పదుకొణె

దిశ, సినిమా: గత కొద్ది కాలంగా దీపికా పదుకొణె (Deepika Padukone)నిత్యం వార్తల్లో నిలుస్తున్నారు. పలు వివాదాస్పద వ్యాఖ్యలు చేస్తూ.. అందరినీ ఆశ్చర్యపరుస్తోంది. సోషల్ మీడియాలో యాక్టివ్‌గా ఉంటూ తన అభిమానులతో చిట్‌చాట్ చేస్తోంది. తాజాగా, ఓ నెటిజన్ రొమాంటిక్, కామెడీ చిత్రాల్లో నటిస్తే చూడాలని ఉందని దీపికాను ప్రశ్నించగా.. అందుకు ఆమె ‘‘కచ్చితంగా చేస్తాను. త్వరలో అలాంటి చిత్రాలు చేయాలని ఆశిస్తున్నాను. నాకు చాలా ఇష్టమైన జానర్‌లలో అదీ ఒకటి. ప్రేక్షకులు కూడా అలాంటి సినిమాలను ఇష్టపడతారు.

అందుకే నేను నా టీమ్ కొద్ది రోజులుగా అలాంటి కథలు కోసం వెతుకుతున్నాం. కానీ ప్రస్తుతం ఈ రకమైన చిత్రాలకు మద్ధతు ఇచ్చే నిర్మాతలు చాలా తక్కువ మంది ఉన్నారు. ఇవి రాసే రైటర్స్ కూడా తగ్గిపోయారు. అయినప్పటికీ నేను ఏదో ఒకరోజు కచ్చితంగా రొమాంటిక్, కామెడీ జానర్‌లో మూవీ చేస్తాను. కానీ ఓటీటీ వేదికగా అలాంటి సినిమాలు చేయాలనుకుంటున్నాను. అందుకు ప్రేక్షకులు ఏం బాధపడరు అనుకుంటున్నా’’ అని చెప్పుకొచ్చింది.

ఒకప్పుడు భారీ బడ్జెట్ కమర్షియల్ సినిమాలకే పరిమితమైన దీపికా, ఇప్పుడు ప్రేక్షకుల కోసం తన ఆలోచనను మార్చుకుంది. ప్రస్తుతం దీపికా కామెంట్స్ చర్చకు దారితీస్తున్నాయి. అంటే త్వరలో ఆమె ఓటీటీ ఎంట్రీ ఇవ్వనున్నారా? అనే అనుమానాలు వ్యక్తం చేస్తున్నారు. దీపికా లాంటి స్టార్ హీరోయిన్ ఈ జానర్‌లో వస్తే, ఆ సినిమాలకే ప్రత్యేకమైన క్రేజ్ ఏర్పడుతుందని చాలామంది కామెంట్స్ చేస్తున్నారు.