రాత్రంతా అలా చేయడం సవాలుగా మారింది.. మమిత బైజు ఇంట్రెస్టింగ్ కామెంట్స్

దిశ, సినిమా: కోలీవుడ్ యంగ్ బ్యూటీ మమిత బైజు(Mamita Baiju), ప్రదీప్ రంగనాథన్(Pradeep Ranganathan) కాంబోలో ‘డ్యూడ్’(dude) సినిమా రాబోతుంది. కీర్తిశ్వరన్ (Keerthiswaran)దర్శకత్వంలో తెరకెక్కిన ఈ యాక్షన్ కామెడీ చిత్రాన్ని మైత్రీ మూవీ మేకర్స్ బ్యానర్‌పై నిర్మించారు. ఇందులో స్టార్ హీరో శరత్ కుమార్ కీలక పాత్రలో కనిపించనున్నాడు. షూటింగ్ పూర్తి చేసుకున్న ఈ సినిమా భారీ అంచనాల మధ్య అక్టోబర్ 17న ప్రేక్షకుల ముందుకు రాబోతుంది. ఈనేపథ్యంలో.. తాజాగా, ఓ ఇంటర్వ్యూలో పాల్గొన్న మమిత బైజు ఆసక్తికర కామెంట్స్ చేసింది. ‘‘ఈ సినిమాలో నేను కురల్ అనే అమ్మాయి పాత్రలో కనిపిస్తాను. ఇందులో నా పాత్రకు చాలా ప్రాధాన్యత ఉంటుంది. ఇప్పటివరకు నేను ఇలాంటి క్యారెక్టర్ చేయలేదు. కురల్ నిజాయితీపరురాలైన అమ్మాయి.

అందరితో స్నేహంగా ఉంటుంది. ముక్కుసూటిగా మాట్లాడుతుంది. ఈ పాత్ర చేయడం నాకు సవాలుగా మారింది. ‘డ్యూడ్’లో కొన్ని డైలాగ్స్ భావోద్వేగమైన సన్నివేశాలు నాకు సవాలుగా అనిపించాయి. ఆ సన్నివేశాల కోసం నేను రాత్రంతా డైలాగ్స్ ప్రాక్టీస్ చేశాను. అలా చేయడం ఉత్సాహంగా అనిపించింది. ఈ సినిమాను కీర్తిశ్వరన్ అద్భుతంగా తెరకెక్కించారు. ప్రదీప్ రంగనాథన్ సెట్స్‌లో చాలా హెల్ఫ్ ఫుల్‌గా ఉంటారు. శరత్ కుమార్ గారి లాంటి సీనియర్‌తో పనిచేయడం అదృష్టంగా భావిస్తున్నా. మా చిత్రం అందరినీ అలరిస్తుందనే నమ్మకం ఉంది’’ అని చెప్పుకొచ్చింది. ప్రస్తుతం ఈ కామెంట్స్ సోషల్ మీడియాలో చక్కర్లు కొడుతున్నాయి.

READ MORE ......

పిచ్చి ము*డ అంటే బూతు పదం అని నాకు తెలియదు.. రాశీఖన్నా షాకింగ్ కామెంట్స్