కల్ట్ కెప్టెన్ ఆన్ డ్యూటీ.. ‘ఉస్తా్ద్ భగత్‌సింగ్’ షూటింగ్ అప్డేట్‌‌ ఇచ్చిన డైరెక్టర్

దిశ, సినిమా: పవర్ స్టార్ పవన్ కళ్యాణ్(Pawan Kalyan) నటిస్తున్న లేటెస్ట్ మూవీ ‘ఉస్తాద్ భగత్‌సింగ్’(Ustaad Bhagat Singh). హరీష్ శంకర్ (Harish Shankar)దర్శకత్వంలో తెరకెక్కుతోంది. కొంత షూటింగ్ పూర్తి చేసుకున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. అయితే ఇటీవల పలు కారణాల వల్ల షూటింగ్ వాయిదా పడింది. దీంతో తీవ్ర నిరాశలో ఉన్న పవన్ అభిమానులు ఎప్పుడెప్పుడు అప్డేట్స్ వస్తాయా? అని ఎదురుచూస్తున్నారు. ఈ నేపథ్యంలో.. తాజాగా, ‘ఉస్తాద్ భగత్ సింగ్’ చిత్రబృందం మళ్లీ షూటింగ్ ప్రారంభించనట్లు అధికారికంగా ప్రకటించారు. ఈ సినిమా షూటింగ్ రీ స్టార్ట్ అయ్యిందని తెలిపారు. ఈ మేరకు సెట్స్​ నుంచి ఓ ఫొటో రిలీజ్ చేశారు.

సెట్స్​లో ఓ చేతిలో గన్, మరో చేత్తో పై నుంచి వేలాడుతున్న తాడు పట్టుకొని ఉన్న డైరెక్టర్ హరీష్ శంకర్ ఫొటోను పోస్ట్ చేశారు. పైన లైటింగ్, కర్రలతో అమర్చిన భారీ సెటప్ ఫొటోలో కనిపిస్తున్నాయి. ఇక ఈ పోస్ట్‌కు ‘‘'కల్ట్ కెప్టెన్ హరీశ్ ఆన్ డ్యూటీ. ఉస్తాద్ షూటింగ్ ఇవాళ పునః ప్రారంభం అయ్యింది. అప్డేట్స్ కోసం వేచి ఉండండి. గుర్తుందిగా! ఈసారి కేవలం ఎంటర్టైన్మెంట్ కాదు. అంతకుమించి ఉండనుంది’’ అనే క్యాప్షన్ జత చేశారు. నవంబర్ చివరి వారంలోపే ఈ సినిమా షూటింగ్‌ను కంప్లీట్ చేయాలని మూవీ టీమ్ భావిస్తోంది. కాగా.. పవన్ సరసన శ్రీ లీల, రాశీ ఖన్నా హీరోయిన్లుగా నటిస్తున్నారు.ఈ భారీ చిత్రాన్ని మైత్రీ మూవీ మేకర్స్ బ్యానర్‌పై రవిశంకర్ నిర్మిస్తున్నారు. రాక్‌స్టార్ దేవీశ్రీ ప్రసాద్ సంగీతం అందిస్తున్నారు.

LINK