నా కోలీవుడ్ సినిమాతో దయచేసి ఆడుకోవద్దు.. బాలీవుడ్ మీడియాపై కంగన ఫైర్

దిశ, సినిమా : బాలీవుడ్ క్వీన్ కంగనా రనౌత్ ‘చంద్రముఖి 2’తో ప్రేక్షకులను మెస్మరైజ్ చేస్తోంది. లేడీస్ అండ్ కిడ్స్ తన స్క్రీన్ ప్రజెన్స్‌ను ఎంజాయ్ చేసేందుకు థియేటర్స్‌కు తరలివస్తున్నారు. ముఖ్యంగా తమిళనాట ఈ సినిమా కలెక్షన్స్ పెరుగుతుండగా.. బాలీవుడ్‌లో మాత్రం టాక్ అంతంత మాత్రంగానే ఉంది. పైగా అక్కడ మీడియా కూడా ఆ విధంగానే ప్రచారం చేస్తుంది. దీంతో విసిగిపోయిన కంగన.. తన కోలీవుడ్ ఫిల్మ్‌ను దయచేసి వదిలేయాలని బాలీవుడ్ మీడియాను కోరింది. నెగెటివ్ ప్రమోషన్ మానుకోవాలని సూచించింది. కాగా చంద్రముఖిగా ఆమె నటనకు విమర్శకుల ప్రశంసలు దక్కగా.. వీకెండ్ కలెక్షన్స్ పెరిగే అవకాశం ఉంది.