ఇంట్లోని ఆడవాళ్లను రాకుమారిల్లా చూసుకుంటున్న బన్నీ.. కోట్లు విలువ చేసే కార్లు బహుమతి!

దిశ, సినిమా: ఐకాన్ స్టార్ అల్లు అర్జున్ రీల్ లైఫ్ లోనే కాదు, రియల్ లైఫ్ లో కూడా తన స్టైల్ మార్క్ చూపిస్తున్నారు. ముఖ్యంగా తన కుటుంబ సభ్యులపై ఉన్న ప్రేమాభిమానాలను చాటుకోవడంలో బన్నీ ఎప్పుడూ ముందుంటారు. తాజాగా అంతర్జాతీయ మహిళా దినోత్సవం మరియు తన 15వ వివాహ వార్షికోత్సవం సందర్భంగా అల్లు అర్జున్ తన ఇంట్లోని ఇద్దరు ముఖ్యమైన మహిళలకు అత్యంత ఖరీదైన కానుకలు ఇచ్చి సర్ప్రైజ్ చేశారు. మహిళా దినోత్సవం సందర్భంగా అల్లు అర్జున్ తన తల్లి అల్లు నిర్మల గారికి ఒక ఖరీదైన లగ్జరీ కారును బహుమతిగా ఇచ్చారు. అమ్మ మీద ఉన్న గౌరవంతో ఆమెకు ఈ సర్ప్రైజ్ ఇచ్చినట్లు తెలుస్తోంది. కొత్త కారు ముందు తన తల్లితో కలిసి దిగిన ఫోటోలు ఇప్పుడు సోషల్ మీడియాలో విపరీతంగా వైరల్ అవుతున్నాయి. "అమ్మే నా సర్వస్వం" అని చాటిచెప్పేలా ఉన్న ఈ ఫోటోలు చూసి మెగా ఫ్యాన్స్ ఖుషీ అవుతున్నారు. అమ్మ ముఖంలో ఆనందం కోసం బన్నీ చేసిన ఈ పనికి నెటిజన్లు ఫిదా అవుతున్నారు.

మరోవైపు, అల్లు అర్జున్-స్నేహారెడ్డి దంపతులు తమ 15వ వివాహ వార్షికోత్సవాన్ని జరుపుకుంటున్నారు. ఈ ప్రత్యేకమైన రోజును మరింత గుర్తుండిపోయేలా చేసేందుకు, బన్నీ తన భార్య స్నేహకు ఒక ఖరీదైన మెర్సిడెస్ బెంజ్ కారును గిఫ్ట్‌గా ఇచ్చారు. పెళ్లై 15 ఏళ్లు పూర్తయిన సందర్భంగా తన తోడుగా ఉన్న భార్యకు ఈ రేంజ్ లో గిఫ్ట్ ఇచ్చి తన ప్రేమను వ్యక్తపరిచారు. స్నేహారెడ్డి కూడా ఈ సర్ప్రైజ్‌తో ఫుల్ హ్యాపీగా ఉన్నట్లు సమాచారం. ఒకే సమయంలో తల్లికి, భార్యకు ఇలాంటి ఖరీదైన కానుకలు ఇవ్వడం చూస్తుంటే అల్లు అర్జున్ ఫ్యామిలీ మ్యాన్ గా ఎంత బాధ్యతగా ఉన్నారో అర్థమవుతోంది. ప్రస్తుతం బన్నీ, అట్లీ దర్శకత్వంలో రాబోతున్న ‘AA-24’ సినిమా పనులతో బిజీగా ఉన్నప్పటికీ, కుటుంబం కోసం సమయం కేటాయించడం విశేషం. ఈ లగ్జరీ కార్ల ఫోటోలు, బన్నీ ఫ్యామిలీ మూమెంట్స్ ఇప్పుడు నెట్టింట ట్రెండింగ్‌లో ఉన్నాయి. మొత్తానికి ఐకాన్ స్టార్ తన ఇంట్లోని ఆడవాళ్లను రాకుమారిల్లా చూసుకుంటున్నారని ఫ్యాన్స్ ప్రశంసలు కురిపిస్తున్నారు.