‘హనుమాన్’కు బ్రేక్.. ఇంతకూ రిలీజ్ డేట్ ఎప్పుడు..?

దిశ, వెబ్‌డెస్క్ : టాలీవుడ్ డైరెక్టర్ ప్రశాంత్ వర్మ దర్శకత్వంలో యంగ్ హీరో తేజ సజ్జ హీరోగా నటిస్తున్న తాజా చిత్రం హనుమాన్. ఈ సినిమాలో అమృత అయ్యర్ హీరోయిన్‌గా నటిస్తున్న విషయం తెలిసిందే. ఈ సినిమా నుంచి విడుదలైన టీజర్ పోస్టర్లకు ప్రేక్షకుల నుంచి భారీగా స్పందన లభించింది. ఈ సినిమా కోసం అభిమానులు ఎంతో ఆత్రుతగా ఎదురుచూస్తున్నారు. ఇప్పటికే విడుదల కావాల్సిన ఈ చిత్రం వివిధ కారణాల వల్ల వాయిదా పడింది. ప్రస్తుతం వేగంగా పోస్ట్ ప్రొడక్షన్ కార్యక్రమాలు జరుపుకుంటోంది. ఈ తరుణంలో ఈ మూవీ ఆగస్టు 25 విడుదల కానున్నట్లు ప్రచారం జరుగుతోంది. ఈ వార్తలపై ఇంతవరకు మూవీ టీం స్పందించలేదు.