అక్కినేని హీరో ‘లెనిన్’ సినిమాలో స్పెషల్ సాంగ్‌లో చిందులేయనున్న బాలీవుడ్ బ్యూటీ.. వద్దు బాబోయ్ అంటున్న నెటిజన్లు

దిశ, సినిమా: బాలీవుడ్ యంగ్ బ్యూటీ అనన్య పాండే (Ananya Pandey)‘స్టూడెంట్ ఆఫ్ ది ఇయర్’ (Student of the Year)చిత్రంతో ఇండస్ట్రీకి వచ్చింది. ఆ తర్వాత పలు సినిమాల్లో నటించి అనతి కాలంలోనే ఫుల్ పాపులారిటీ దక్కించుకుంది. తెలుగులో ‘లైగర్’ మూవీలో నటించింది.. కానీ అంతగా కలిసి రాలేదు. దీంతో మళ్లీ బాలీవుడ్‌పై ఫోకస్ పెట్టింది. ఇక ఇటీవల కంట్రోల్, కేసరి చాప్టర్-2 (Kesari Chapter-2)వంటి చిత్రాలతో వరుస హిట్స్ తన ఖాతాలో వేసుకుంది. ఇదిలా ఉంటే.. తాజాగా, అనన్య పాండే ఓ బంపర్ ఆఫర్ అందుకున్నట్లు సమాచారం. అక్కినేని అఖిల్(Akhil) నటిస్తున్న ‘లెనిన్’(Lenin) సినిమాలో స్పెషల్ సాంగ్ చేయనున్నట్లు సమాచారం.

మురళీ కిషోర్ అబ్బూరి (Murali Kishore Abburi)దర్శకత్వం వహిస్తుండగా.. ఈ చిత్రాన్ని అన్నపూర్ణ స్టూడియోస్, సితార ఎంటర్‌టైన్‌మెంట్స్ బ్యానర్స్‌పై అక్కినేని హీరో నాగార్జున, నాగవంశీ సంయుక్తంగా నిర్మిస్తున్నారు. రూరల్ బ్యాక్‌డ్రాప్‌లో రాబోతున్న ఈ సినిమాలో డీ గ్లామరస్ లుక్‌‌లో కనిపించనున్నాడు. ఇక ఇందులో అఖిల్ సరసన శ్రీలీల హీరోయిన్‌గా నటిస్తుండగా.. ఎస్ థమన్ సంగీతం అందిస్తున్నారు. ఈ సినిమాలో అనన్య స్పెషల్ సాంగ్ చేయనున్నట్లు పలు పోస్టులు సోషల్ మీడియాలో వైరల్ అవుతున్నాయి. ఇక వాటిని చూసిన నెటిజన్లు అస్సలు వద్దు అని అంటున్నారు నెటిజన్లు.