‘హై జవానీ తో ఇష్క్ హోనా హై’ విడుదల తేదీలో ఊహించని ట్విస్ట్.. మూడు వారాల ముందుగానే థియేటర్స్లోకి!
నిజానికి జూన్ 12న విడుదల చేయాలని ముందుగా ప్లాన్ చేశారు. అయితే, ఈ చిత్రాన్ని మూడు వారాల ముందే థియేటర్స్లోకి తీసుకోబోతున్నారట.
దిశ, సినిమా: బాలీవుడ్ యంగ్ హీరో వరుణ్ ధావన్, లెజెండరీ డైరెక్టర్ డేవిడ్ ధావన్ కాంబోలో రాబోతున్న క్రేజీ ఎంటర్టైనర్ ‘హై జవానీ తో ఇష్క్ హోనా హై’. ఈ సినిమా విడుదలను ముందుకు జరుపుతున్నట్లు సమాచారం. నిజానికి జూన్ 12న విడుదల చేయాలని ముందుగా ప్లాన్ చేశారు. అయితే, తాజా సమాచారం ప్రకారం.. ఈ చిత్రాన్ని మూడు వారాల ముందే, అంటే మే 22న విడుదల చేసేందుకు మేకర్స్ ప్లాన్ చేస్తున్నారట. సినిమా పనులు దాదాపు పూర్తయిపోవడం, మే నెలలో వేసవి సెలవులు ఉండటం వల్ల ఇది ఫ్యామిలీ ఆడియన్స్ను ఆకట్టుకోవడానికి సరైన సమయమని చిత్ర బృందం భావిస్తున్నట్లు తెలుస్తోంది. కాగా.. వరుణ్ ధావన్ సరసన ఈ సినిమాలో టాలీవుడ్ బుట్టబొమ్మ పూజా హెగ్డే, మృణాల్ ఠాకూర్ నటిస్తున్నారు.
టిప్స్ సంస్థ నిర్మిస్తున్న ఈ చిత్రంలో రమేష్ తౌరానీ మళ్ళీ డిస్ట్రిబ్యూషన్ రంగంలోకి అడుగుపెడుతున్నారు. వరుణ్, డేవిడ్ ధావన్ కాంబినేషన్లో వస్తున్న మూడవ సినిమా కావడంతో ఈ కామెడీ ఎంటర్టైనర్ పై భారీ అంచనాలు ఉన్నాయి. మే 22న మూవీని విడుదల చేయడం ద్వారా ఇంతియాజ్ అలీ ‘మై వాపస్ ఆవుంగా’ సినిమాతో పోటీని తప్పించుకోవచ్చని మేకర్స్ ప్లాన్. అయితే, అదే రోజు కరణ్ జోహార్ నిర్మిస్తున్న ‘చాంద్ మేరా దిల్’, అనురాగ్ కశ్యప్ ‘బందర్’ వంటి చిత్రాలు పోటీలో ఉండటంతో బాక్సాఫీస్ వద్ద ఆసక్తికరమైన పోరు తప్పదని తెలుస్తోంది. ‘బోర్డర్ 2’ ఘనవిజయంతో ఈ ఏడాదిని ఘనంగా ప్రారంభించిన వరుణ్, ఈ సినిమాతో కూడా తన సక్సెస్ జోరును కొనసాగిస్తాడని ఫ్యాన్స్ ఆశిస్తున్నారు.
