మరో సౌత్ ఇండియా ప్రాజెక్టులో ఛాన్స్ కొట్టేసిన అలియా.. ఖుష్ అవుతున్న ఫ్యాన్స్

దిశ, సినిమా: బాలీవుడ్ స్టార్ నటి అలియా భట్ మరో సౌత్ ఇండియా ప్రాజెక్టులో ఛాన్స్ కొట్టేసినట్లు తెలుస్తోంది. ‘ఆర్ఆర్ఆర్’ సినిమాతో దక్షిణాది ప్రేక్షకులకు బాగా దగ్గరైన ఆమె తాజాగా తమిళ స్టార్ హీరో సూర్య సరసన నటించబోతున్నట్లు సమాచారం. ఈ మేరకు సూర్య హీరోగా దర్శకుడు శివ ఒకేసారి రెండు భాగాలుగా తెరకెక్కిస్తున్న ‘కంగువ’లో ఇప్పటికే బాలీవుడ్ నటులు దిశా పటానీ, బాడీ డియోల్ కీలక పాత్రల్లో నటిస్తుండగా తాజాగా అలియా భట్ కూడా ఈ ప్రాజెక్టులోకి ఎంట్రీ ఇచ్చినట్లు తెలుస్తోంది. వచ్చే యేడాది ప్రేక్షకుల ముందుకు రాబోతున్న ఈ మూవీ సెకండ్ పార్టులో అలియా మెయిన్ హీరోయిన్‌గా నటిస్తుందని, మూవీ యూనిట్‌ ఆమెతో చర్చలు జరపగా తాను కూడా గ్రీన్ సిగ్నల్ ఇచ్చినట్లు ఇండస్ట్రీలో టాక్ నడుస్తోంది. త్వరలోనే దీనిపై అధికారిక ప్రకటన వెలువడనుండగా అలియా ఫ్యాన్స్ ఫుల్ ఖుష్ అవుతున్నారు.