‘ఆదిపురుష్’ టీం బంపర్ ఆఫర్.. 10 వేల మూవీ టికెట్లు ఉచితంగా పంపిణీ

దిశ, వెబ్‌డెస్క్: పాన్ ఇండియా స్టార్ ప్రభాస్, డైరెక్టర్ ఓం రౌత్ కాంబోలో తెరకెక్కుతున్న సినిమా ‘ఆదిపురుష్’. అత్యంత ప్రతిష్టాత్మాతంగా నిర్మించిన ఈమూవీ ఈ నెల 16న ప్రపంచ వ్యాప్తంగా రిలీజ్ కానుంది. నిన్న ‘ఆదిపురుష్’ ట్రైలర్‌ను తిరుపతిలో ఘనంగా రిలీజ్ చేసిన విషయం తెలిసిందే. ఈ ట్రైలర్‌కు ప్రేక్షకుల నుంచి విశేష స్పందన లభిస్తుంది. ఇదిలా ఉంటే.. మూవీకి సంబంధించి నిర్మాత అభిషేక్ అగర్వాల్ సంచలన ప్రకటన చేశారు.

‘శ్రీరాముని ప్రతి అధ్యాయం మానవాళికి ఒక పాఠం. ఈ తరం ఆయన గురించి తెలుసుకోవాలి. ఆయన అడుగుజాడలను అనుసరించాలి ఇందుకోసం తెలంగాణ వ్యాప్తంగా అన్ని ప్రభుత్వ స్కూళ్లు, అనాథాశ్రమాలు, వృద్ధాశ్రమాలకు 10 వేల టికెట్లు ఉచితంగా అందిస్తారు. ఇందుకోసం గూగుల్ ఫాం నింపితే.. టికెట్లు నేరుగా పంపిస్తాం’’ అని అగర్వాల్ ప్రకటించారు.