Enugu Movie: 'ఏనుగు'.. మంచి కంటెంట్ ఉన్న సినిమా

దిశ, సినిమా : Arun Vijay's Enugu Movie to be released on July 1| కోలీవుడ్ హీరో అరుణ్ విజయ్, ప్రియా భవాని, సముద్రఖని, కేజీఎఫ్ రామచంద్రరాజు, రాధిక, యోగి బాబు ప్రధాన పాత్రల్లో తెరకెక్కిన చిత్రం 'ఏనుగు'. ఎమోషనల్ ఫ్యామిలీ ఎంటర్‌టైనర్‌గా తెరకెక్కిన సినిమాను సీహెచ్‌ సతీష్‌ కుమార్‌ నిర్మించగా హరి దర్శకత్వం వహించారు. ఈ మూవీ శుక్రవారం(జులై 1) ప్రేక్షకుల ముందుకు రాబోతుండగా మీడియాతో ముచ్చటించిన మేకర్స్.. మంచి కంటెంట్ ఉన్న ఈ సినిమా తెలుగు ప్రేక్షకులకు అలరిస్తుందన్నారు. అంతేకాదు కుటుంబ సమేతంగా చూసేవిధంగా ఈ చిత్రాన్ని రూపొందించినట్లు చిత్ర బృందం వెల్లడించింది. సినిమా చూసిన ప్రతి ఒక్కరూ హ్యాపీ ఫీలింగ్‌తో థియేటర్ నుంచి బయటకొస్తారని అభిప్రాయపడ్డారు. యాక్షన్, సెంటిమెంట్, ఎమోషన్, కామెడీ మేళవింపుగా ప్రేక్షకుల ముందుకొస్తున్న చిత్రాన్ని ఆదరించి పెద్ద హిట్ చేస్తారని ఆశిస్తున్నట్లుగా పేర్కొన్నారు.