కేటీఆర్ ముఖ్యమంత్రి అయితే తప్పేంటి? : దానం

దిశ, వెబ్ డెస్క్: టీఆర్ఎస్ ఎమ్మెల్యే సంచలన వ్యాఖ్యలు చేశారు. శనివారం ఆయన ఖైరతాబాద్ వినాయకుడిని దర్శించుకున్నారు. ఈ సందర్భంగా మీడియాతో మాట్లాడుతూ.. కేటీఆర్ ముఖ్యమంత్రి అయితే తప్పేంటని, ముఖ్యమంత్రి అయ్యేందుకు కేటీఆర్ కు అన్ని అర్హతలున్నాయన్నారు. కేటీఆర్ ముఖ్యమంత్రి కావాలని భగవంతుడిని కోరుకున్నట్లు దానం పేర్కొన్నారు. 10 అడుగుల విగ్రహం ఏర్పాటుకు అనుమతిచ్చిన ముఖ్యమంత్రి కేసీఆర్, కేటీఆర్ కు కృతజ్ఞతలు చెప్పారు. కరోనా వ్యాక్సిన్ తొందరగా రావాలని, ప్రజలు సుఖసంతోషాలతో ఉండాలన్నారు. కరోనా వస్తదని కేసీఆర్ ముందే చెప్పారని దానిం చెప్పారు. కరోనా వైరస్ డిసెంబర్ మాసం కల్లా కట్టడవుతుందన్న ఆశాభావాన్ని దానం వ్యక్తపరిచారు.