సీఎం లెవల్‌లో కేటీఆర్‌కు స్పెషల్ ట్రీట్మెంట్.. దేనికి సంకేతం!

దిశ, తెలంగాణ బ్యూరో : మంత్రి కేటీఆర్​కు ప్రత్యేక హోదా వచ్చినట్టు అయ్యింది. సీఎం పర్యటన తరహాలో మంత్రి కేటీఆర్​ పర్యటనకు ఏర్పాట్లు జరుగుతున్నాయి. గద్వాల సమావేశం నుంచి ఈ ట్రెండ్​ వచ్చింది. సీఎం పర్యటన సందర్భంగా ముందు భాగం మొత్తం ఖాళీగా వదిలేసి ఆ తర్వాత గ్రిల్స్​ ఏర్పాటు చేసి సభను ఏర్పాటు చేయనుండగా.. ఇప్పుడు కేటీఆర్​కు టూర్లకు అదే సిస్టమ్‌ను ఫాలో అవుతున్నారు. వాస్తవానికి ఇలా మంత్రుల సభకు ఉండదు. కానీ రాష్ట్రంలో ఇప్పటివరకు ఏ మంత్రికి ఉండని విధంగా రోప్ ​పార్టీ బందోబస్తును కేటీఆర్​కు ఇవ్వగా.. తాజాగా సీఎం స్థాయిలో పర్యటన ఏర్పాట్లు కూడా చేస్తున్నారు. ఈ విధానం కొత్తగా అమలవుతుండటంతో రాష్ట్ర రాజకీయవర్గాల్లో హాట్​‌టాపిక్​గా మారింది.