ఓటు ద్వారా బీజేపీకి బుద్ది చెప్పాలి

దిశ, వెబ్‎డెస్క్ :
దుబ్బాక ఉపఎన్నికలో ఓటు ద్వారా బీజేపీకి ప్రజలు బుద్ధి చెప్పాలని మంత్రి హరీష్ రావు అన్నారు. సిద్దిపేట జిల్లా తొగుట మండలం ఘానాపూర్ లో మంత్రి హరీష్ రావు ఎన్నికల ప్రచారం నిర్వహించారు. ఈ సందర్భంగా మాట్లాడుతూ.. రైతులకు ఉచిత కరెంటు ఇచ్చిన ఘనత టీఆర్ఎస్‎కే దక్కుతోందన్నారు. దుబ్బాక అభివృద్ధి బాధ్యత జిల్లా మంత్రిగా తనదేనని స్పష్టం చేశారు. బీజేపీ పాలిత ప్రాంతాల్లో ఎక్కడైనా ఉచిత కరెంటు ఇచ్చారా అని ప్రశ్నించారు. విదేశీ మక్కలు తెచ్చి మన రైతుల నోట్లో మట్టి కొట్టాలని చూస్తున్నారని విమర్శించారు.