అందరినీ మెప్పించే ‘మాస్టర్’ పీస్ : లోకేశ్ కనకరాజ్

దిశ, వెబ్‌డెస్క్ : ‘మాస్టర్’ తెలుగు వర్షన్ ఆడియో లాంచింగ్ కార్యక్రమం ఘనంగా జరిగింది. డైరెక్టర్ లోకేశ్ కనకరాజ్, మ్యూజిక్ డైరెక్టర్ అనిరుధ్ రవిచంద్రన్, నటుడు శంతన్ భాగ్యరాజ్, మహేశ్ కోనేరు హాజరు కాగా.. ‘మాస్టర్’ బిగ్ సీడీని రిలీజ్ చేసింది చిత్ర యూనిట్. ఈ సందర్భంగా మాట్లాడిన డైరెక్టర్.. మాస్టర్ సినిమాను తెలుగులో విడుదల చేస్తున్న మహేశ్ కోనేరుకు అభినందనలు తెలిపారు. సినిమాను సెలబ్రేట్ చేసుకునే తెలుగు ప్రేక్షకులు మాస్టర్‌ను ఆదరిస్తారని ఆశించిన డైరెక్టర్.. ఈ చిత్రం అన్ని వర్గాలకు మంచి ట్రీట్‌లా ఉంటుందన్నారు. హీరో విజయ్, విజయ్ సేతుపతి, నిర్మాత బ్రిట్టో, అనిరుధ్‌కు ఈ సందర్భంగా స్పెషల్ థాంక్స్ చెప్పారు. ఈ సందర్భంగా మాట్లాడిన సంగీత దర్శకులు అనిరుధ్ రవిచంద్రన్‌.. అనంత్‌ శ్రీరామ్‌, కృష్ణకాంత్‌, సింగర్‌ శ్రీకృష్ణ, మాలిలకు ప్రత్యేక ధన్యవాదాలు తెలిపారు. మాస్, క్లాస్ మిక్స్ అయిన సినిమా ప్రతీ ఒక్కరిని ఆలోచింపజేస్తుందని అన్నారు. థియేటర్స్‌లో సినిమాను సెలబ్రేట్‌ చేసుకుంటారనడంలో సందేహం లేదన్నారు.