లిరిక్ రైటర్ కృష్ణకాంత్‌కు ఆత్మీయ సన్మానం

దిశ, వెబ్‌డెస్క్: సినిమా రంగంలో రాణిస్తూ.. ఎన్నో మంచి చిత్రాలకు పాటలు అందించిన లిరిక్ రైటర్ కృష్ణకాంత్‌ను సూర్యాపేట వేక్ సొసైటీ ఆధ్వర్యంలో ఘనంగా సన్మానించారు. ఈ సందర్భంగా సొసైటీ సభ్యులు మాట్లాడుతూ.. సినీ పరిశ్రమలో ముందుమందు మరింత ఎత్తుకు ఎదగాలని, మరిన్నీ మంచి పాటలు రాయాలని వారు ఆకాంక్షించారు. అంతేగాకుండా ఆయన రాసిన పాటలు చిత్రపరిశ్రమలోనే ఉత్తమ సాంగ్స్‌గా నిలవాలని వారు కోరుకున్నారు. ఈ ఆత్మీయ సన్మాన కార్యక్రమంలో సొసైటీ అధ్యక్షుడు గంగపురపు గణేష్, హెడ్ నర్స్ గుణగంటి పద్మ, ఆల్ ఇండియా హ్యుమన్ రైట్స్ నల్గొండ జిల్లా సెక్రెటరీ గుండగాని శ్రీనివాస్, రమా, రమేష్, ఉష శేఖర్, లక్ష్మి, సభ్యులు తదితరులు పాల్గొన్నారు.