దేవుడి విజయం!

దేవుడి విజయం!

*

ప్రియమైన ప్రజలారా!" "మాకు ఓట్లు వేయండి మేము మీకు మందిరాలు కట్టిస్తాము"!

ఎన్నికల హోరు లో ఈ నినాదాలు మారుమ్రో గుతూ ఉంటాయి!

దేవుడు గెలవడం చూస్తూ ఉంటాను అలా!

**. ఒక మతానికి చెందిన దేవుళ్ళు! మనుషుల్ని విభజించే దేవుళ్ళు! ఇళ్లల్లో మాత్రమే ఉండిపోయే దేవుళ్ళు! మా ఊరికి రాని దేవుళ్ళు! వీధుల్లో తిరిగే దేవుళ్ళు! ఆకలి ఎరుగని దేవుళ్ళు!

ధరలు పెరుగుతుంటే పట్టించుకోని దేవుళ్ళు! మా బిడ్డల చదువుకి డబ్బులు ఇవ్వని దేవుళ్ళు!

ఈ దేవుళ్ళ కోసం మందిరాల కోసం మేము ఓటు వేయాలా?

*

చూడండి!దైవ దూషణ చేసినందుకు

నాస్తికుడిగా ఉన్నందుకు నన్ను ఇప్పుడు నిందించకండి!

దేవుళ్ళ కోసం కొట్టుకు చస్తున్న చాలామంది రాజకీయ నాయకులను చూస్తూ విసిగిపోయి ఉన్నాను మరి !

ప్రజలతో కాకుండా

గుడి పూజారులతో మాత్రమే మాట్లాడుతున్న వాళ్లని చూస్తున్నాను!

వాళ్లు గుడులని మాత్రమే దర్శిస్తారు కానీ మా పూరి గుడిసెల్లోకి

అడుగు కూడా పెట్టరు

*

వాళ్లు దేవుళ్ల కోసం కొట్లాడుకుంటారు !

"మా దేవుడో ,మీ దేవుడో రండి తేల్చుకుందాం"! అంటూ సవాళ్ళు విసురుకుంటూ, ఒకరినొకరు రెచ్చ గొట్టుకుంటూ ఉంటారు!

ఏమవుతుంది అప్పుడు?

రేపు ఇదొక దేవుడి విజయంగా మారిపోతుంది అంతే!

ఓహ్! ద్రవ్యోల్బణమా,ఆకలి కేకల పస్తులా,బీదరికమా!

ఓహ్!ప్రజాస్వామ్యమా ఎక్కడున్నావు నువ్వు?

*

- మౌమితా ఆలం ఇంగ్లీష్ కవిత.

తెలుగు అనువాదం గీతాంజలి.