కవిమాట:వానా వానా వల్లప్పా !
గ్రీష్మతాపంలో స్వేదం చిమ్మాక
కొన్ని చిరుజల్లులు కురుస్తే
హరివిల్లులు విరిస్తే
మది మధురగీతాలు పాడుతుంది
మనసంతా సేద తీరుతుంది
ప్రకృతి ఋతుచక్రం
గిర్రున తిరిగి గిరికీలు కొట్టేస్తే
బ్రతుకంతా తల క్రిందులు
చినుకు పలకరింతలకు
మనమే కాదు పశుపక్ష్యాదులు
పులకరిస్తాయి
వానా వానా వల్లప్పా..అంటూ
చిందులు వేసి సందడి చేస్తయి
మనిషి మనుగడలో
అతివృష్టి అనావృష్టి
ఏదీ సహించదు జనజీవం
అమరనాథ్ క్షేత్రంలో
ఆకస్మిక వరదల హోరు
మృత్యుగీతాల తీరు
దు:ఖపు పాదముద్రలే
ముంచెత్తుతున్న వరదలు
విపత్తుల
విచ్చుకత్తుల్ని దించుతున్నాయి
కుండపోత బాధల వలపోత
ఉగ్రరూపం దాల్చిన గోదారమ్మా
గుండె చెరువవుతున్న
అశ్రుదారలు చూడమ్మా
ప్రమాదపు హెచ్చరిక వైతివి
పదిలమవ్వుట ఏలనమ్మా
మాకు మేమే బరువవుతున్నం
మాకు మేమే భారమవుతున్నం
తడిసి ముద్దవుతున్న
తనువెల్లా నిలువెల్లా వీడ్కోలు
వినయంగా వేడ్కోలు
కాస్త తెరిపి ఇవ్వు
తేరుకుంటాం..తేలిక పడిపోతాం..
డా. కటుకోఝ్వల రమేశ్
9949083327
- Tags
- poet word
