స్ట్రోక్... తప్పు బాత్రూమ్‌లోనే జరుగుతుందా?

దిశ, ఫీచర్స్ : మెదడుకు రక్త ప్రవాహం ఆగిపోయినప్పుడు స్ట్రోక్ వస్తుంది. ఇరుకైన రక్తనాళం, రక్తస్రావం, బ్లడ్ క్లాట్ వల్ల ఇలా జరుగుతుంది. ఇది చాలా తీవ్రమైన పరిస్థితి కాగా వెంటనే చికిత్స అవసరం. అయితే ఆశ్చర్యకరమైన విషయం ఏంటంటే.. స్నానం చేసేటప్పుడు బాత్రూమ్‌లలో స్ట్రోక్స్ ఎక్కువగా సంభవిస్తున్నాయని తేలింది. అంటే స్నానం చేసే ప్రక్రియలో ఈ సమస్య ప్రేరేపించబడుతుందా? ఎలా?

టాయిలెట్ స్ట్రెస్

మలవిసర్జన సమయంలో అధిక ఒత్తిడి.. ఇది ఎక్కువగా అసహజంగా కూర్చోవడం వల్ల జరుగుతుంది. హృదయనాళ వ్యవస్థను ప్రభావితం చేస్తుంది. స్ట్రోక్‌ లేదా స్పృహ కోల్పోవడానికి దారితీస్తుంది.

స్నానం చేసే క్రమం

ముందుగా తల, జుట్టును తడిపి స్నానం చేయడం వల్ల శరీర ఉష్ణోగ్రతలో వేగంగా మార్పు వస్తుంది. ఈ ఆకస్మిక మార్పు ఒత్తిడిని కలిగిస్తుంది. ధమని లేదా కేశనాళిక విచ్ఛిన్నానికి కారణమవుతుంది. అయితే అధ్యయనాల ప్రకారం దీనికి సంబంధించి అనేక వివాదాస్పద వాదనలు ఉన్నాయి. నిపుణులు మరిన్ని అధ్యయనాలు అవసరమని అంటున్నారు.

నీటి ఉష్ణోగ్రత

నిపుణుల అభిప్రాయం ప్రకారం.. ముఖ్యంగా శీతాకాలంలో చల్లని నీటితో స్నానం చేస్తే ధమనులు కుంచించుకుపోతాయి. గుండె, మెదడు వంటి ముఖ్యమైన అవయవాలకు రక్త ప్రవాహాన్ని అడ్డుకుంటుంది.

బాత్రూమ్‌లో జారిపడిపోవడం

వైద్యులు ఎదుర్కొనే ప్రధాన ఆందోళనలలో ఒకటి బాత్రూంలో జారిపోవడం వల్ల తలకు గాయాలు కలిగే అవకాశాలు ఎక్కువ. ఇది మెదడులో రక్తస్రావం అయ్యేందుకు కారణమవుతుంది.

నివారణా మార్గాలు :

* టాయిలెట్‌ సీటుపై కూర్చున్నప్పుడు, హృదయనాళ వ్యవస్థపై ఒత్తిడిని తగ్గించడానికి సరైన భంగిమలో కూర్చోవాలని నిర్ధారించుకోండి

* ముందుగా మీ కాళ్లను తడిపి, ఆపై క్రమంగా తలపై షవర్ చేయడం ద్వారా ఉష్ణోగ్రత సంబంధిత పీడన మార్పులను తగ్గించవచ్చు.

* నీటి ఉష్ణోగ్రత కంఫర్టబుల్ లెవల్‌లో ఉండేలా చూసుకోండి.

* వృద్ధుల కోసం బాత్రూమ్ గోడలపై గ్రాబ్ బార్‌లను ఏర్పాటు చేయండి. యాంటీ-స్లిప్ బాత్ మ్యాట్‌లను ఉపయోగించండి. జారిపడి పడిపోకుండా ఉండటానికి బాత్ బెంచీలు లేదా స్టూల్‌లను ఉపయోగించండి.