స్మార్ట్ రూఫింగ్ టెక్నాలజీ.. వెదర్ను బట్టి అప్పటికప్పుడు ఇంటిని సెట్ చేసుకునే ఆధునిక సాంకేతికత!
స్మార్ట్ రూఫింగ్ టెక్నాలజీ.. వెదర్ను బట్టి అప్పటికప్పుడు ఇంటిని సెట్ చేసుకునే ఆధునిక సాంకేతికత!
దిశ, ఫీచర్స్ : సొంతింటి కలను మాత్రమే కాదు, తమ కలల గృహాన్ని వాతావరణానికి అనుగుణంగా మార్చుకోవాలనేది మోడ్రన్ పీపుల్ ముఖ్యమైన డ్రీమ్లలో ఒకటిగా ఉంటోంది. అందుకు అనుగుణమైన సాంకేతికత కూడా ప్రస్తుతం అందుబాటులోకి వస్తోందని నిపుణులు చెబుతున్నారు. ఎండ, వాన, చలి, తుఫానులు వంటి వాతావరణ పరిస్థితులకు అనుగునంగా వాటిని ఆస్వాదించేలా లేదా నిరోధించేలా ఇంటిని సర్దుబాటు చేసుకునే మోడ్రన్ డైనమిక్ రూఫింగ్ సిస్టమ్స్ లేదా టెక్నాలజీకి ఇటీవల డిమాండ్ పెరుగుతోంది. అన్ని దేశాల్లోనూ ఈ టెక్నాలజీ ఉన్నప్పటికీ చైనాలో ఎక్కువగా ఉపయోగిస్తున్నారు.
ఎండ, వాన, చలి నుంచి రక్షణ..
వాతావరణానికి అనుగుణంగా ఇంటి పైకప్పులను సర్దు బాటు చేయగల టెక్నాలజీని ప్రధానంగా అభివృద్ధి చెందిన నగరాలలోనే ప్రస్తుతం ఉపయోగిస్తున్నారు. రూఫ్ను తెరవడం, మూసివేయడం లేదా అవసరమైన యాంగిల్లో వంచడం ఈ టెక్నాలజీలోని ప్రత్యేకత. వెంటిలేషన్, సూర్యరశ్మి లేదా వర్షం, గాలి నుంచి రక్షణను మెరుగు పర్చడంలో కీ రోల్ పోషిస్తుంది. ఉదాహరణకు, బీజింగ్ నేషనల్ స్టేడియం (Bird's Nest) వంటి నిర్మాణాలలో వెదర్ డేటాకు అనుగుణంగా సర్దుబాటు చేసే రిట్రాక్టబుల్(Retractable) లేదా రొటేటింగ్ రూఫ్లు శక్తి సామర్థ్యాన్ని, సౌకర్యాన్ని పెంచుతాయి.
సాంస్కృతిక సౌందర్యాన్ని మేళవిస్తూ..
వాతావరణానికి అనుగుణంగా పైకప్పులను మార్చుకునే సౌలభ్యంతో ఇంటిని నిర్మించే స్మార్ట్ రూఫింగ్ టెక్నాలజీని చైనీస్ సాంప్రదాయ నిర్మాణ కళగా కూడా పేర్కొంటున్నారు పలువురు నిపుణులు. ఎందుకంటే ఒకప్పుడు ప్రముఖ చైనీస్ హాన్ రాజవంశం కాలంలోనూ వర్షం పడటం, మంచు కురువడం వంటి వెదర్ల నుంచి రక్షణకు హిప్-అండ్-గేబుల్ లేదా జియెషాన్ రూఫ్లు రూపొంచేవారు. ప్రస్తుతం మోడ్రన్ డైనమిక్ రూఫ్లు స్మార్ట్ మెటీరియల్స్, ఆటోమేషన్తో సాంస్కృతిక సౌందర్యాన్ని మోడ్రన్ ఇంజనీరింగ్తో మేళవిస్తాయి. ఇవి చైనాలోని స్థిరమైన, స్మార్ట్ నగరాభివృద్ధి లక్ష్యాలకు అనుగుణంగా ఉంటున్నాయి.
ఏయే దేశాల్లో ఉంది?
*చైనా : స్మార్ట్ రూఫింగ్ టెక్నాలజీలో చైనా ముందంజలో ఉంది. ముఖ్యంగా స్మార్ట్ సిటీ ప్రాజెక్ట్లలో దీనిని ఉపయోగిస్తు్న్నారు. బీజింగ్ నేషనల్ స్టేడియం (బర్డ్స్ నెస్ట్) వంటి నిర్మాణాలు, షాంఘైలోని కొన్ని సాంస్కృతిక కేంద్రాలు రిట్రాక్టబుల్ లేదా ఆటోమేటెడ్ రూఫ్లను ఉపయోగిస్తాయి. ఈ రూఫ్లు వాతావరణ డేటాకు అనుగుణంగా సర్దుబాటు చేస్తాయి.
*జపాన్: జపాన్లో స్మార్ట్ రూఫింగ్ సిస్టమ్స్ ముఖ్యంగా భూకంప-నిరోధక ప్రాంతాలు, వాతావరణ-అనుకూల నిర్మాణాలలో, టోక్యో వంటి నగరాల్లో ఉపయోగించబడుతున్నాయి. జపాన్లోని స్టేడియంలు, వాణిజ్య భవనాలు రిట్రాక్టబుల్ రూఫ్లను అవలంబిస్తున్నాయి.
* యునైటెడ్ స్టేట్స్: యూఎస్లో, కాలిఫోర్నియా వంటి రాష్ట్రాల్లో, అగ్ని-నిరోధక, శక్తి-సామర్థ్య రూఫ్లు ప్రాచుర్యం పొందుతున్నాయి. స్మార్ట్ రూఫ్లు సెన్సార్లతో వాతావరణ మార్పులను పర్యవేక్షిస్తాయి.
*యూరోప్ (యూకే, జర్మనీ): యూకేలో, రూఫింగ్ టుడే ప్రకారం, స్మార్ట్ రూఫ్లు డేటా అనలిటిక్స్తో శక్తి సామర్థ్యాన్ని, నిర్మాణ సమగ్రత(Structural integrity)ని మెరుగుపరుస్తాయి. జర్మనీలో, గ్రీన్ రూఫ్లు, అలాగే సోలార్ - ఇంటిగ్రేటెడ్ రూఫ్లు సాధారణమే.
* ఆస్ట్రేలియా: ఆస్ట్రేలియాలో కూడా వాతావరణ-నిరోధక(Weather-resistant) పై కప్పులను, అలాగే సోలార్ రూఫింగ్ సిస్టమ్లు ఉష్ణమండల వాతావరణానికి అనుగుణంగా ఉపయోగించబడుతున్నాయి.
* దక్షిణ కొరియా: సియోల్లోని కొన్ని ఆధునిక భవనాలు స్మార్ట్ రూఫ్ సాంకేతికతను ఉపయోగిస్తున్నాయి. వీటిలో IoT-ఆధారిత సెన్సార్లు ఉంటున్నాయి. GAF, Sherwin-Williams, Smart Roof Solutions, Tesla వంటి కంపెనీలు ఈ స్మార్ట్ రూఫింగ్ సిస్టమ్స్తో కూడిన గృహాలను నిర్మించి ఇవ్వడంలో కీలకపాత్ర పోషిస్తున్నాయి.
