బీచ్‌లో పెళ్లి వేడుక.. నగ్నంగా వధూవరులు.. ఒంటిపై నూలు పోగు లేకుండా అతిథుల హాజరు.. ప్రపంచానికి ఇచ్చిన మెస్సేజ్ ఇదే!

దిశ, ఫీచర్స్ : మనిషి జీవితంలో పెళ్లి అనేది పెద్ద విషయం. కాగా దీన్ని మరింత ప్రత్యేకంగా మలుచుకోవాలని కోరుకుంటారు. ఇందుకు పెద్ద మొత్తంలో డబ్బు ఖర్చు చేస్తారు. డిఫరెంట్ థీమ్స్‌తో మ్యారేజ్ చేసుకుని ఎంజాయ్ చేస్తారు. ఆకాశంలో ఒక్కటి కావడం... నీటిలో మూడు ముళ్లు వేయడం.. లాంటివి ఇప్పటికే చూశాం. కానీ నగ్నంగా కూడా వివాహం చేసుకునే థీమ్ ఒకటి ఉంది. ప్రస్తుతం ఇందుకు సంబంధించిన కంటెంట్ వైరల్ అవుతుండగా.. ఫుల్ డిటెయిల్స్ తెలుసుకుందాం.

ఇటలీలోని ఓ బీచ్ నగ్నంగా వివాహం చేసుకునేందుకు అనుమతించింది. నేచరిస్ట్ బీచ్‌గా గుర్తించబడిన సార్డినియాలోని సాన్ వెరో మిలిస్ పట్టణంలోని ఇస్ బెనాస్ బీచ్‌లో ఈ తంతు 2022 నుంచి కొనసాగుతోంది. ఒక జర్మన్ జంట అభ్యర్థనతో ప్రారంభమైన ఈ న్యూడ్ మ్యారేజ్ కాన్సెప్ట్.. శరీర స్వేచ్ఛ, స్థిరమైన పర్యాటకం, నేచరిస్ట్ ఫిలాసఫీని ప్రోత్సహించడానికి ఉద్దేశించబడింది. లైంగిక అర్థాల కంటే ప్రకృతిని ఆలింగనం చేస్తుంది. యూరప్‌లో 2 కోట్ల మంది, ఇటలీలో 5 లక్షల మంది నేచరిస్టులతో.. 2017 ఇటాలియన్ చట్టం నియమిత నగ్న బీచ్‌లను అనుమతించడంతో నేచరిజం ఆమోదం పెరుగుతోంది.

జాతీయవాద ఉద్యమాలు పెరుగుతున్న నేపథ్యంలో దీన్ని వ్యక్తిగత స్వేచ్ఛకు మద్దతుగా చూస్తున్నారు నిపుణులు. నేచరిస్టులు పర్యావరణాన్ని గౌరవిస్తారని.. వారి బీచ్ ప్రాంతాలు బట్టలు ధరించిన ప్రాంతాలతో పోలిస్తే పరిశుభ్రంగా ఉంటాయని తెలిపారు. 700 మీటర్ల ఈ బీచ్, ఇసుక గుట్టలు, పైన్ అడవులతో ఆవరించబడి, 17 మైళ్ల తీరంలో వివాహ వేడుకలకు ప్రైవసీని అందిస్తుంది. జంటలు తమకు నచ్చిన దుస్తులు ధరించవచ్చు. అతిథులు కూడా స్వేచ్ఛగా ఉండొచ్చు. 2,500 మంది జనాభా ఉన్న ఈ పట్టణం వేసవిలో 30,000 మందికి పెరుగుతుంది. కాగా నగ్న వివాహాలకు ఇటాలియన్ ఫెడరేషన్ ఆఫ్ నేచరిస్ట్స్ వంటి సమూహాలు మద్దతు ఇస్తున్నాయి. కాగా సాన్ వెరో మిలిస్ పట్టణం.. పర్యావరణ అనుకూల పర్యాటకం ద్వారా సాంస్కృతిక మార్పిడిని పెంపొందించాలని ఆశిస్తోంది.

Viral video: ప్రకృతి అందాలను చూసేందుకు వెళ్తున్నారా? నాశనం చేయడానికి వెళ్తున్నారా?