కేన్స్ ఫిల్మ్ ఫెస్టివల్‌లో యంగ్ హీరోయిన్ రికార్డ్.. పదిహేడేళ్లకే రెడ్ కార్పెట్‌పై మెరిసిన జాబిలి.. చూస్తే కళ్లు తిప్పుకోరంతే..

దిశ, ఫీచర్స్ : నీతాంశీ గోయల్... కేన్స్ ఫిల్మ్ ఫెస్టివల్‌ రెడ్ కార్పెట్‌పై నడిచిన అతి పిన్న వయస్కురాలైన భారతీయ నటిగా చరిత్ర సృష్టించింది. నోయిడాకు చెందిన ఈ సాధారణ అమ్మాయి... తన ప్రతిభ, సంకల్పంతో అంతర్జాతీయ స్థాయిలో గుర్తింపు పొందింది. లాపతా లేడీస్‌తో అతి చిన్న వయసులో ఉత్తమ నటి అవార్డు అందుకుని రికార్డ్ చేసిన ఈ జాబిలి.. నటనా నేపథ్యం లేకుండానే మరో చారిత్రాత్మక క్షణాన్ని ఆస్వాదించింది. కాగా ఆమె జీవితం, కెరీర్, కేన్స్‌లో ఆమె ప్రదర్శన గురించి పూర్తి వివరాలు ఇక్కడ ఉన్నాయి.

ఉత్తరప్రదేశ్‌ నోయిడాకు చెందిన నీతాంశీ.. నటనా నేపథ్యం లేని కుటుంబం నుండి వచ్చింది. చైల్డ్ మోడల్‌గా తన కెరీర్‌ను ప్రారంభించింది. పలు ఫ్యాషన్ షోస్, యాడ్స్ చేసిన ఆమె.. 2015లో మిస్ పాంటాలూన్స్ జూనియర్ ఫ్యాషన్ ఐకాన్‌గా అవార్డు గెలుచుకుంది. ఆ తర్వాత సీరియళ్లు, సినిమాల్లో చిన్న చిన్న పాత్రలకు ఎంపికైంది. అదే కమిట్మెంట్‌తో ముందుకు సాగింది. ఈ క్రమంలోనే ‘లాపతా లేడీస్‌’ ఛాన్స్ కొట్టేసింది. అది కూడా పదిహేడేళ్ల వయసులోనే. కిరణ్ రావు దర్శకత్వంలో 2024లో విడుదలైన ఈ చిత్రంలో నీతాంశీ ఫూల్ పాత్రలో నటించింది. ఈ చిత్రం ఆస్కార్ 2025కు భారత అధికారిక ఎంట్రీగా ఎంపికైంది. ఫూల్‌గా ఆమె నటన, సమాజంలోని సవాళ్లను ఎదుర్కొనే ఒక సాధారణ వధువుగా తను చూపిన భావోద్వేగం, ప్రామాణికత విమర్శకుల ప్రశంసలు అందుకుంది. ఉత్తమ నటిగా అవార్డు అందుకుంది. ఐఎండీబీ బ్రేక్ అవుట్ స్టార్‌గా అవార్డు పొందిన నీతాంశీ.. బెస్ట్ యాక్ట్రెస్‌గా ఇండియన్ ఫిల్మ్ ఫెస్టివల్ ఆఫ్ మెల్‌బోర్న్, ఐకానిక్ గోల్డ్ అవార్డ్స్, ఐఫా అవార్డ్స్‌ సొంతం చేసుకుంది. ఆ తర్వాత మైదాన్ మూవీలో సీరత్‌గా మెరిసి మరోసారి తన సత్తా చాటింది.

చారిత్రాత్మక క్షణం

78వ కేన్స్ ఫిల్మ్ ఫెస్టివల్‌లో 17 ఏళ్ల వయస్సులో రెడ్ కార్పెట్‌పై నడిచిన అతి పిన్న వయస్కురాలైన భారతీయ నటిగా రికార్డ్ క్రియేట్ చేసింది నీతాంశీ. 28 సంవత్సరాలుగా కేన్స్‌తో సంబంధం కలిగి ఉన్న బ్యూటీ పార్టనర్ L’Oréal Parisకు ప్రాతినిధ్యం వహించిన ఆమె.. మోనికా, కరిష్మ రూపొందించిన కస్టమ్ బ్లాక్ అండ్ గోల్డ్ గౌన్‌లో ఆకర్షణీయంగా కనిపించింది. కసబ్ ఎంబ్రాయిడరీ, మక్రమేతో కూడిన ఈ స్ట్రాప్‌లెస్ గౌన్‌లో రాజసంగా కనిపించింది. భారతీయ కళాత్మకతను సమన్వయం చేసిందని ప్రశంసలు అందుకుంది.

రెండో సారి

అదే రోజు నీతాంశీ రెండో సారి రెడ్ కార్పెట్‌పై కనిపించింది. ఆమె ఆత్మవిశ్వాసం, సౌందర్యం ఫెస్టివల్‌లో ఆమె స్థానాన్ని మరింత బలపరిచాయి. మీడియా సంస్థలు ఆమె ఆకర్షణను హైలైట్ చేశాయి. అంతేకాదు నీతాంశీ తన ప్లాట్‌ఫారమ్‌ను యువతుల ఉపయోగించింది. “నేను రెడ్ కార్పెట్‌పై ఉండటం ద్వారా.. తమ జీవితం, కలలు, కెరీర్‌ను నియంత్రించే ప్రతి స్త్రీని సాధికారత చేయాలని కోరుకుంటున్నాను. ఇది నాకు గౌరవం” అని చెప్పింది. ఈ మాటలు ఆమె స్ఫూర్తిని, ఇతరులను ఉద్ధరించే ఆమె నిబద్ధతను ప్రతిబింబిస్తున్నాయి.

గుర్తింపు

అతి పిన్న వయస్కురాలైన ఉత్తమ నటిగా అవార్డులు గెలుచుకున్న ఆమె.. రెడ్ కార్పెట్‌పై వాక్‌తో తన ఎదుగుదలను హైలైట్ చేసింది. కేన్స్‌లో L’Oréal Parisను ప్రాతినిధ్యం వహించడం ఆమెను ఇంటర్నేషనల్ ఐకాన్స్‌తో జత చేసింది. భారతీయ ప్రతిభకు ప్రపంచ రాయబారిగా ఆమె స్థానాన్ని బలపరిచింది. మీడియా ఆమె కేన్స్ లుక్, స్ఫూర్తిదాయక జీవిత కథను ప్రశంసించింది. ఆమె గౌన్‌ను భారతీయ కళాత్మకతకు ప్రేమలేఖగా అభివర్ణించింది. తమ పరిస్థితులకు అతీతంగా కలలు కనే ప్రతి అమ్మాయి యొక్క ఆశలను మోస్తుందని కొనియాడింది. 17 ఏళ్ల వయస్సులోనే కల ఎంత పెద్దదైనా సాధ్యమని, ఏ అమ్మాయి అయినా దానిని సాధించగలదని నిరూపిస్తుందని .. ఆమె ప్రతిభ, సంకల్పం యొక్క శక్తిని ప్రశంసించింది.