ఫోన్లో ఏం చూస్తున్నారనేది ఎవరైనా గమనిస్తున్నారా? ఇలా చేయండి చాలు!
ప్రైవసీ స్క్రీన్ ప్రొటెక్టర్ల తయారీలో మైక్రో-లూవర్ టెక్నాలజీని ఉపయోగిస్తారు. కాబట్టి యూజర్కు తప్ప పక్కనుంచి చూసేవారికి స్క్రీన్ కనిపించదు.
దిశ, ఫీచర్స్ : మీరు ఫోన్ వాడుతున్నప్పుడు పక్కనున్నవారు గమనిస్తున్నారనే అనుమానం కలుగుతోందా? అయితే ప్రైవసీ స్క్రీన్ ప్రొటెక్టర్లు వాడొచ్చు అంటున్నారు సాంకేతిక నిపుణులు. ఇవి మీ ఫోన్ను మీరు తప్ప పక్కనున్నవారు చూడకుండా రక్షిస్తాయని చెబుతున్నారు. ఎందుకంటే.. ఇవి మైక్రరో-లూవర్ టెక్నాలజీ (Micro-louvre Technology) అనే సాంకేతికతను కలిగి ఉంటాయి. దీనివల్ల స్క్రీన్ను నేరుగా చూసే మీరు తప్ప పక్కనున్నవారు చూడటం సాధ్యం కాదు. అదెలాగో ఇప్పుడు తెలుసుకుందాం.
ప్రైవసీ స్క్రీన్ ప్రొటెక్టర్లు కూడా టెంపర్డ్ గ్లాస్ లేదా ప్లాస్టిక్ షీట్ వంటివి. కాకపోతే వీటి తయారీలో మైక్రో-లూవర్ టెక్నాలజీని ఉపయోగిస్తారు. కాబట్టి కేవలం ముందు నుంచి నేరుగా చూస్తే వారికి మాత్రమే స్క్రీన్ స్పష్టంగా కనిపిస్తుంది. పక్క నుంచి చూసేవారికి మాత్రం స్క్రీన్ నల్లగా లేదా ఖాళీగా కనిపిస్తుంది. అంతేకాదు ఇందులో చాలా చిన్నపాటి హిడెన్ స్లాట్స్(చీలికలు) ఉంటాయి. కాబట్టి ఇవి నేరుగా ముందు నుంచి చూసినప్పుడు మాత్రమే స్పష్టంగా కనిపించేలా చేస్తాయి. పబ్లిక్ ప్లేస్లలో బ్యాంకింగ్ యాప్స్, ఈ-మెయిల్స్, పర్సనల్ మెసేజెస్ చూసేటప్పుడు ఇవి ఎంతో భద్రతను (security) అందిస్తాయి. అలాగే ప్రయాణాల్లో, కాఫీ షాపుల్లో లేదా క్రౌడెడ్ ప్రదేశాల్లో ఫోన్ ఉపయోగించేవారికి కూడా ఇవి చాలా ఉపయోగపడతాయి. అయితే ఈ ప్రొటక్టర్లు వినియోగంలో కొన్ని లోపాలు కూడా ఉన్నాయి. ముఖ్యంగా స్క్రీన్ బ్రైట్నెస్ కొంత తగ్గుతుందని, కొన్ని యాంగిల్స్ నుంచి చూడడం కష్టంగా ఉంటుందని నిపుణులు చెబుతున్నారు.
స్క్రీన్ ప్రొటెక్టర్స్ ప్రయోజనాలు
*పబ్లిక్ ప్లేస్లలో బ్యాంకింగ్, OTP, పర్సనల్ ఫోటోలు, ఈ-మెయిల్స్ చూసేటప్పుడు ఇతరులు చూడకుండా రక్షణ
*డేటా చోరీ, స్క్రీన్ షోల్డర్ సర్ఫింగ్ను నివారిస్తాయి.
*కొన్ని మోడల్స్లో యాంటీ గ్లేర్, యాంటీ ఫింగర్ప్రింట్ ఫీచర్లు కూడా ఉంటాయి.
*స్క్రీన్ బ్రైట్నెస్ కొంత తగ్గుతుంది. అయితే మీ స్క్రీన్ను ఎవరైనా చూసినా, మీరు ఫోన్లో ఏం చూస్తున్నారనేది మాత్రం కనిపించదు.
