౩౦ ఏళ్లు దాటిన ఆడాళ్లూ.. ఇది మీకోసమే.!

మహిళలకు 30 ఏళ్ల వయసొస్తే అనేక మార్పులొస్తాయి.

వ్యాధుల ప్రమాదం కూడా పెరుగుతుంది.

ప్రారంభ దశలో వీటిని గుర్తిస్తే నివారించవచ్చు.

మూడు సాధారణ వైద్య పరీక్షల ద్వారా వీటిని గుర్తించవచ్చు అంటున్నారు నిపుణులు.

- దిశ, ఫీచర్స్

పాప్ స్మియర్ పరీక్ష (హెచ్‌పీవీ): గర్భాశయ క్యాన్సర్ స్క్రీనింగ్ టెస్ట్ అంటారు. గర్భాశయ క్యాన్సర్ సాధారణంగా ముదిరే వరకు లక్షణాలు కనిపించవు. అందుకే ఈ స్క్రీనింగ టెస్ట్ అవసరం. హెచ్‌పీవీ టెస్ట్ గర్భాశయ క్యా్న్సర్లకు కారణమయ్యే వైరస్‌ను గుర్తిస్తుంది. 21ఏళ్ల వయసులో పాప్ స్మెర్ టెస్టులు చేయించుకోవడం మంచిది. ఫలితాలు నార్మల్ ఉంటే ప్రతి 3 ఏళ్లకోసారి చేయించుకోవాలి. 30 ఏళ్లు నిండిన తర్వాత ప్రతి 5 ఏళ్లకు హెచ్‌పీవీ పరీక్షకు మారవచ్చు. లేదా రెండు పరీక్షలను ఒకేసారి చేయవచ్చు. హెచ్‌పీవీకి వ్యాక్సిన్లు వేసినప్పటికీ స్క్రీనింగ్‌లు అవసరమే.

రొమ్ము క్యాన్సర్ స్క్రీనింగ్: మామోగ్రామ్స్ 40 ఏళ్ల వయసులో మొదలవుతాయి. కానీ 30 ఏళ్ల వయసులో బ్రెస్ట్ ఆరోగ్యాన్ని నిర్లక్ష్యం చేయొద్దు. బ్రెస్ట్ క్యాన్సర్ ఏ వయసులోనైనా రావచ్చు. నెలకోసారి అయినా బ్రెస్ట్ సెల్ఫ్ టెస్ట్ చేయించుకోవాలి. బ్రెస్ట్ కండీషన్ ఎలా ఉంది.? తేడా ఏమైనా కనిపిస్తుందా చెక్ చేసుకోవాలి. దీనివల్ల మార్పులు.. ప్రారంభ లక్షణాలను వెంటనే గుర్తించొచ్చు. ఆ తర్వాత డాక్టర్‌ని సంప్రదించి బ్రెస్ట్ చేసుకోవాలి. బ్రెస్ట్ క్యాన్సర్ ఫ్యామిలీ హిస్టరీ ఉంటే ఎంఆర్ఐ లేదా జన్యు పరీక్ష వంటి ముందస్తు స్క్రీనింగ్ గురించి డాక్టర్‌ని అడిగి సలహాలు తీసుకోవాలి.

కొలెస్ట్రాల్ స్క్రీనింగ్: గుండె జబ్బులు 30 ఏళ్లలోపు మహిళల్లో కూడా వస్తున్నాయి. ఊబకాయం.. ఫ్యామిలీ హిస్టరీ లేదా పాలిసిస్టిక్ ఓవర్ సిండ్రోమ్ (పీసీఓఎస్) వంటి ప్రమాద కారకాలున్నవారిలో ఎక్కువగా ఉంటుంది. డయాబెటిస్ ప్రారంభ సంకేతాలను పరీక్షించేందుకు ప్రతి 3 ఏళ్లకోసారి ఫాస్టింగ్ బ్లడ్ శాంపిల్స్ ఇచ్చి షుగర్ టెస్ట్ చేయించుకోవాలి. అలాగే ప్రతి 4 ఏళ్ల నుంచి 6 ఏళ్లకోసారి లిపిడ్ ప్రొఫైల్ టెస్ట్ చేయించుకోవాలి. హై కొలెస్ట్రాల్.. హై బ్లడ్ ప్రెజర్ లేదా గుండె సమస్యల హిస్టరీ ఉన్నవారు తప్పనిసరిగా ఈ పరీక్షలు చేయించుకుంటే మంచిది.