బాబుకి భయం..జగన్‌ది స్వార్థం: కన్నా

దిశ ఏపీ బ్యూరో: సీఎం వైఎస్ జగన్‌తోపాటు ప్రతిపక్ష నేత చంద్రబాబునాయుడుపై ఏపీ బీజేపీ అధ్యక్షుడు కన్నాలక్ష్మీనారాయణ తీవ్ర విమర్శలు గుప్పించారు. ట్విట్టర్ మాధ్యమంగా ఆయన కేసీఆర్, జగన్, చంద్రబాబు ఫోటోలను పోస్టు చేస్తూ.. ‘ఓటుకు నోటు కేసు భయంతో యూటర్న్ తీసుకున్న బాబు వేలకోట్ల రూపాయల విలువైన ఏపీ ఆస్తులను తెలంగాణాలో వదిలి కరకట్టకు వచ్చారు. కేసీఆర్‌తో ఉన్న స్వార్థ ప్రయోజనాల కోసం సీఎం జగన్ వాటిపై నోరు మెదపక వాటిని ఆయనకే అప్పగించారు. చట్టబద్ధంగా ఏపీకి చెందాల్సిన ఆస్తులపై రాష్ట్ర ప్రభుత్వం తక్షణమే శ్వేతపత్రం విడుదల చేయాలి’ అని కన్నా డిమాండ్ చేశారు.