CSK ను వణికించిన 15 ఏళ్ల సూర్యవంశీ
సోమవారం జరిగిన మ్యాచులో 15 ఏళ్ల కుర్రాడు వైభవ్ సూర్యవంశి తన మెరుపు బ్యాటింగ్తో చెన్నై బౌలర్లను వణికించాడు.
దిశ, వెబ్ డెస్క్ : ఐపీఎల్ 2026 సీజన్ మొదటి మ్యాచ్లోనే రాజస్థాన్ రాయల్స్(RR) అదిరిపోయే బోణి కొట్టింది. గౌహతిలోని ACA స్టేడియంలో జరిగిన ఈ పోరులో డిఫెండింగ్ ఛాంపియన్స్ చెన్నై సూపర్ కింగ్స్ (CSK)పై రాజస్థాన్ 8 వికెట్ల తేడాతో ఘనవిజయం సాధించింది. ముఖ్యంగా 15 ఏళ్ల కుర్రాడు వైభవ్ సూర్యవంశి తన మెరుపు బ్యాటింగ్తో చెన్నై బౌలర్లను వణికించాడు. కేవలం 17 బంతుల్లోనే 52 పరుగులు చేసి అందరినీ ఆశ్చర్యపరిచాడు.
CSK ను బెంబేలెత్తించిన సూర్యవంశీ
సోమవారం టాస్ గెలిచి బ్యాటింగ్ ఎంచుకున్న చెన్నై సూపర్ కింగ్స్ 19.4 ఓవర్లలో కేవలం 127 పరుగులకే ఆల్ అవుట్ అయ్యింది. 128 పరుగుల స్వల్ప లక్ష్యంతో బరిలోకి దిగిన రాజస్థాన్ రాయల్స్.. వైభవ్ సూర్యవంశి ధాటికి ఆ లక్ష్యాన్ని కేవలం 12.1 ఓవర్లలోనే పూర్తి చేసింది. సూర్యవంశి కేవలం 15 బంతుల్లోనే హాఫ్ సెంచరీ పూర్తి చేసి ఐపీఎల్ చరిత్రలో 3వ వేగవంతమైన ఫిఫ్టీ రికార్డును తన పేరిట లిఖించుకున్నాడు. యశస్వి జైస్వాల్తో కలిసి మొదటి వికెట్కు 75 పరుగుల భాగస్వామ్యాన్ని నెలకొల్పి మ్యాచ్ను వన్ సైడ్ చేసేశాడు. 17 బంతుల్లో 4 ఫోర్లు, 5 సిక్సర్లతో 305కు పైగా స్ట్రైక్ రేట్తో అతను ఆడిన తీరు చూసి క్రికెట్ దిగ్గజాలు సైతం ప్రశంసల వర్షం కురిపిస్తున్నారు.
బీహార్కు చెందిన వైభవ్ సూర్యవంశి వయసు కేవలం 15 ఏళ్లు మాత్రమే. 2025 ఐపీఎల్లో 14 ఏళ్ల వయసులోనే అడుగుపెట్టి, ఐపీఎల్ చరిత్రలో అత్యంత పిన్న వయస్కుడైన ఆటగాడిగా రికార్డు సృష్టించాడు. ఈ మ్యాచ్లో అతను ఆడిన తీరు చూస్తుంటే భవిష్యత్తులో భారత జట్టుకు మరో గొప్ప ఓపెనర్ దొరికాడని విశ్లేషకులు భావిస్తున్నారు. మార్చి 27న తన 15వ పుట్టినరోజు జరుపుకున్న సూర్యవంశి, తన మొదటి మ్యాచ్లోనే ఇలాంటి ఇన్నింగ్స్ ఆడటం విశేషం. మొత్తానికి రాజస్థాన్ రాయల్స్ అటు బౌలింగ్లో, ఇటు బ్యాటింగ్లో అదరగొట్టి ఐపీఎల్ 2026 సీజన్ను ఘనంగా ప్రారంభించింది. ఈ ఓటమి చెన్నై సూపర్ కింగ్స్ అభిమానులను కొంత నిరాశకు గురిచేసినా, సూర్యవంశి ఆట మాత్రం క్రికెట్ ప్రేమికులకు కనువిందు చేసింది.
