ప్లాస్మా దానం చేసిన ఇన్​ స్పెక్టర్​ శ్రీనివాస్​

దిశ, క్రైమ్​ బ్యూరో: సైబరాబాద్​ పోలీస్​ కమిషనర్​ వీసీ సజ్జనార్​ ఆధ్వర్యంలో ప్రతి పోలీస్ స్టేషన్‌లో రక్తదాన శిబిరాలు నిర్వహిస్తూ పలువురి పౌరుల మన్ననలు అందుకుంటుంది. కమిషనరేట్​ పరిధిలో ఇప్పటివరకూ దాదాపు 1657 యూనిట్ల రక్తాన్ని సేకరించింది. ఇదిలా ఉండగా, కొవిడ్​ వారియర్​‌లో భాగంగా విధులు నిర్వహిస్తున్న మాదాపూర్​ ట్రాఫిక్​ ఇన్‌స్పెక్టర్​ శ్రీనివాస్​ కరోనా వైరస్​ బారిన పడ్డారు. అయితే, ఆయన కొవిడ్ నుంచి ఇటీవల కోలుకున్నారు. సికింద్రాబాద్ కిమ్స్ ఆస్నత్రిలో కొవిడ్ బాధితురాలికి గురువారం ఆయన ప్లాస్మాను దానం చేశారు. ఈ సందర్భంగా సీపీ సజ్జనార్​ మాట్లాడుతూ.. విధుల్లో భాగంగా సమాజంలో శాంతి భ్రతలను కల్పించడమే కాకుండా, ప్రజల ప్రాణాలను కాపాడటంలో సైబరాబాద్​ పోలీసులు ఎప్పుడూ ముందుంటారని అన్నారు. ప్లాస్మాను దానం చేసిన ఇన్​ స్పెక్టర్​ శ్రీనివాస్​ను సీపీ సజ్జనార్​ అభినందించారు.