స్టీల్ రంగానికి కరోనా ముప్పు!

by  |
స్టీల్ రంగానికి కరోనా ముప్పు!
X

దిశ, వెబ్‌డెస్క్ : ఒకవైపు కరోనా వైరస్ అంతర్జాతీయంగా దెబ్బ తీస్తుంటే, మరోవైపు దేశీయంగా నెలకొన్న మందగమనం స్టీల్ రంగాన్ని మరింత దిగజారుస్తోంది. దేశీయంగా మారిన ప్రతికూలత వల్ల దేశంలో స్టీల్ డిమాండ్ పడిపోయింది. 2020-21 ఆర్థిక సంవత్సరం మొత్తం స్టీల్ రంగానికి ప్రతికులతలు తప్పవని ఇండియా రేటింగ్స్ అండ్ రీసెర్చ్ సంస్థ అంచనా వేసింది. గత ఆర్థిక సంవత్సరంలో స్టీల్ రంగం 5 శాతం మాత్రమే వృద్ధిని సాధించగలిగింది. ముడి ఇనుము ధరలు పెరగడమే కాకుండా ఆర్థిక వ్యవస్థ మాంద్యం కూడా డిమాండ్ క్షీణించడానికి కారణమని నివేదిక తెలిపింది.

దేశ వృద్ధి రేటు 2019-20లో 5 శాతం కంటే తక్కువ ఉంది. 2020-21లో దేశ వృద్ధి రేటు 5.5 శాతంగా ఉండే అవకాశముందని అంచనా వేసింది. దేశీయంగానే కాకుండా కరోనా వైరస్ ప్రభావం వల్ల అంతర్జాతీయంగా స్టీల్‌కున్న డిమాండ్ పడిపోయిందని పేర్కొంది. దీంతో దేశీయంగా కూడా ఈ ప్రభావం స్పష్టంగా కనబడుతోందని అంచనా వేసింది. కరోనా వ్యాప్తి కారణంగా చైనాలో ఇప్పటికే నిర్మాణ రంగం మందగించిందని పేర్కొంది.



Next Story

Most Viewed