మైనర్ బాలికపై హోంగార్డ్ లైంగికదాడి

by  |
sexual assault
X

దిశ, క్రైమ్ బ్యూరో: మైనర్ బాలికపై హోంగార్డు లైంగికదాడికి పాల్పడిన ఘటన తుకారం గేట్ పీఎస్ పరిధిలో ఆలస్యంగా వెలుగులోకి వచ్చింది. గోపాలాపురం ఏసీపీ వెంకటరమణ వివరాల ప్రకారం.. హైదరాబాద్ సీసీఎస్ పోలీస్ స్టేషన్‌లో మల్లిఖార్జున్ అనే వ్యక్తి డ్రైవర్‌గా పనిచేస్తున్నాడు. తనకు పరిచయమున్న ఓ మైనర్​ బాలికపై కొద్ది రోజుల కిందట లైంగికదాడికి పాల్పడి విషయాన్ని ఎవరికీ చెప్పొద్దని బెదిరించాడు. ఈ క్రమంలోనే రెండు రోజుల కిందట బాలిక ఆరోగ్యంపై అనుమానం వచ్చిన తల్లిదండ్రులు గట్టిగా ప్రశ్నించడంతో విషయం బయటపెట్టింది. ఈ మేరకు బాలిక తల్లిదండ్రులు తుకారం గేట్ పీఎస్‌లో ఫిర్యాదు చేయగా, పోలీసులు పోక్సో చట్టం కింద కేసు నమోదు చేసి నిందితుడిని అదుపులోకి తీసుకుని విచారించారు. హోంగార్డు నేరాన్ని అంగీకరించడంతో రిమాండ్‌కు తరలించినట్టు ఏసీపీ వెంకటరమణ తెలిపారు.



Next Story

Most Viewed