ఐదేళ్ల కంటే తక్కువ వయసున్న పిల్లలకు దగ్గు సిరప్ ఇవ్వొచ్చా??

దిశ, వెబ్ డెస్క్ : సీజన్ మార్పుతో జలుబు, దగ్గు కేసులు పెరుగుతున్నాయి. దీని కారణంగా హాస్పిటళ్ల చుట్టూ తిరగాల్సి వస్తుంది. కానీ మరోవైపు దగ్గు సిరప్ కారణంగా పిల్లలు మరణించారన్న వార్తలు వినిపిస్తూనే ఉన్నాయి. ముఖ్యంగా రాజస్థాన్, మధ్యప్రదేశ్‌లో డెక్స్‌ట్రోమెథోర్ఫాన్, డైథిలిన్ గ్లైకాల్ కలి కఫ్ సిరప్‌తో పిల్లలను కోల్పోవాల్సి వచ్చింది. ఈ ఘటన దగ్గు సిరప్ ఎంత ప్రభావవంతంగా పని చేసేందుకు ఉదాహరణగా నిలిచింది. దీంతో పిల్లలకు కఫ్ సిరప్ ఇవ్వాలా వద్దా అనే సంశయంలో ఉన్నారు తల్లిదండ్రులు. అందుకే ఏ వయసు పిల్లలకు ఇవ్వొచ్చు.. ఎవరికి ఇవ్వకూడదు.. డబ్ల్యూహెచ్‌ఓ ఏం చెప్తుంది? అనే విషయాల గురించి తెలుసుకుందాం.

దగ్గు సిరప్లో ప్రధానంగా రెండు రకాలు ఉన్నాయి, పొడి దగ్గు సిరప్ మరియు తడి దగ్గు సిరప్. పొడి దగ్గు సిరప్ పొడి దగ్గును అణచివేయడానికి పనిచేస్తుంది, అయితే తడి దగ్గు సిరప్ బుల్గుమి దగ్గులో సన్నబడటం ద్వారా శ్లేష్మాన్ని బహిష్కరించడానికి సహాయపడుతుంది. కొన్ని సిరప్లలో డెక్స్ట్రోమెథోర్ఫాన్ ఉంటుంది, ఇది దగ్గు సంకేతాలను పంపే మెదడులోని భాగాన్ని ప్రభావితం చేస్తుంది

నిజానికి దగ్గు సిరప్ రెండు రకాలు. ఒకటి పొడి దగ్గు సిరప్.. రెండోది తడి దగ్గు సిరప్. పొడి దగ్గు సిరప్ పొడి దగ్గును ఈజీగా కంట్రోల్ చేస్తే.. తడి దగ్గు సిరప్ శ్లేష్మాన్ని బయటకు పంపేందుకు హెల్ప్ అవుతుంది. కొన్నింటిలో ఉండే డెక్స్‌ట్రోమెథోర్ఫాన్.. మెదడుకు సంకేతాలిస్తుంది. అయితే పిల్లల్లో నాడీ వ్యవస్థ, శ్వాస సామర్థ్యం, గుండెను కూడా ప్రభావితం చేస్తుంది. ఇక ఎక్స్‌పక్కటరెంట్ మూలకం శ్లేష్మం తగ్గించడం ద్వారా పని చేస్తుంది. అయితే ఈ సిరప్స్‌లో డైథిలిన్ గ్లైకాల్, ఇథిలీన్ గ్లైకాల్ వంటి ఇతర కెమికల్స్, సంరక్షకారులు ఉంటాయి. ప్రిస్క్రైబ్ చేసిన దాని కంటే ఎక్కువ తీసుకుంటే కిడ్నీలు, కాలేయం, నాడీ వ్యవస్థపై తీవ్రమైన నష్టాన్ని కలిగిస్తాయి.

ఇంతకీ పిల్లలకు సిరప్ అవసరమా?

నిజానికి ఐదేళ్ల కంటే తక్కువ వయసున్న పిల్లలకు దగ్గు మందు ఇవ్వడం సురక్షితం కాదని డబ్ల్యూహెచ్‌ఓ ఇప్పటికే తెలిపింది. డెక్స్ట్రోమెథోర్ఫాన్ శ్వాస సమస్యలు, మైకము, వాంతులు, మూర్ఛకు కారణమవుతుండగా.. డైథిలిన్ గ్లైకాల్, ఇథిలీన్ గ్లైకాల్ వంటి విషపూరిత అంశాలు మూత్రపిండాలు, కాలేయాన్ని ప్రభావితం చేస్తున్నాయి. అంతేకాదు సిరప్‌కు యాడ్ చేసిన ప్రజర్వేటివ్స్, స్వీటెనింగ్ ఏజెంట్స్ ఎక్కువ కాలం,అధిక మోతాదులో తీసుకుంటే పిల్లల్లో కడుపుకు సంబంధించిన సమస్యలు, అలెర్జీలు, ఆర్గాన్ ఫెయిల్యూర్స్‌కు కారణం కావొచ్చు. అందుకే పిల్లలకు సిరప్‌కు బదులుగా నేచురల్ రెమెడీస్ బెటర్ అని సూచిస్తున్నారు.