మునగతో ఈ 5 వ్యాధులకు చెక్.. ఎలాగో చూసేద్దామా..
దిశ, ఫీచర్స్ : మలబద్ధకం, స్థూలకాయం, అనేక కడుపు సంబంధిత సమస్యలతో బాధపడుతున్న రోగుల సంఖ్య రోజురోజుకు పెరుగుతూనే ఉన్నాయి. ఇలాంటి శారీరక సమస్యలన్నింటికీ సహజసిద్ధమైన ఔషధం కూరగాయలో దాగి ఉంది. ఈ వెజిటేబుల్ తో ఎన్నో అనారోగ్య సమస్యల నుంచి విముక్తి పొందవచ్చట. మరి ఆ ఔషధం ఏంటో ఇప్పుడు తెలుసుకుందాం.
ఎన్నో ఔషధగుణాలు కలిగిన వెజిటేబుల్ మునక్కాయి. దీనిని డ్రమ్ స్టిక్ అని కూడా పిలుస్తారు. మునగ కాయ, దాని ఆకులు అద్భుతమైన గుణాలతో నిండి ఉన్నాయి. నేషనల్ ఇన్స్టిట్యూట్ ఆఫ్ హెల్త్ ప్రకారం మలబద్ధకం, ఊబకాయం, కడుపు సమస్యలు, రక్తపోటు, మధుమేహం, అనేక ఇతర ఆరోగ్య సమస్యలకు చికిత్స చేయడంలో మునగను ఉపయోగించడం మంచిదంటున్నారు.
ఇందులో అధిక మొత్తంలో ప్రోటీన్లు, కాల్షియం, విటమిన్లు ఉంటాయి. ఇందులో లభించే విటమిన్ సి పరిమాణం నారింజ కంటే ఎక్కువగా ఉందని, పాలలో కంటే కాల్షియం పరిమాణం ఎక్కువగా ఉందని అనేక పరిశోధనల్లో కూడా తెలిసింది. దాని ఆరోగ్య ప్రయోజనాల గురించి ఇప్పుడు తెలుసుకుందాం.
బరువు అదుపులో..
మొరింగలో ఫైబర్, ప్రొటీన్, ఎక్కువ పోషకాలు ఉంటాయి. అలాగే కేలరీలు తక్కువగా ఉంటాయి. ఇది బరువు నియంత్రణ చేసేందుకు సహాయపడుతుంది. మునగను బరువు తగ్గేందుకు సూప్ లేదా జ్యూస్ రూపంలో తీసుకుంటే మరింత మేలు జరుగుతుంది.
మధుమేహానికి మునగ ఆకులు..
మునగ ఆకులు మధుమేహాన్ని నియంత్రించడంలో సహాయపడతాయి. ఎందుకంటే దాని ఆకులలో ఐసోథియోసైనేట్ అనే సమ్మేళనం ఉంటుంది. ఇది రక్తంలో చక్కెర స్థాయిని పెంచడానికి అనుమతించదు.
క్యాన్సర్ ముప్పు తగ్గుతుంది..
యాంటీ క్యాన్సర్, యాంటీ ట్యూమర్ లక్షణాలు మునగలో ఉన్నాయి. దాని ఆకులలో అధిక మొత్తంలో పాలీఫెనాల్స్ యాంటీఆక్సిడెంట్లు కూడా కనిపిస్తాయి. ఇది క్యాన్సర్ ప్రమాదాన్ని నివారిస్తుంది.
రక్తపోటు అదుపులో..
మొరింగలో ఉండే ఖనిజాలు, యాంటీఆక్సిడెంట్లు అధిక రక్తపోటును నియంత్రించడంలో సహాయపడతాయి. ఇందులో ఉండే విటమిన్ సి, విటమిన్ ఎ, బీటా కెరోటిన్ వంటి యాంటీ ఆక్సిడెంట్లు కూడా రక్తపోటు పెరగనివ్వదు.
ఎముకలకు మునగ..
మునగకాయ తీసుకోవడం ఎముకలకు కూడా మేలు చేస్తుంది. ఎందుకంటే ఇందులో మంచి మొత్తంలో కాల్షియం, మెగ్నీషియం, ఫాస్పరస్ ఉంటాయి. ఎముక వ్యాధుల ప్రమాదాన్ని తగ్గించడంలో ఇవి సహాయపడతాయి.
గమనిక : ఈ కథనం సాధారణ సమాచారం కోసం మాత్రమే. ఇది ఔషధం లేదా చికిత్సకు ఏ విధంగానూ ప్రత్యామ్నాయం కాదు. మరింత సమాచారం కోసం ఎల్లప్పుడూ మీ వైద్యుడిని సంప్రదించండి.
