బంధువుల ఇంటికి వెళ్లే ముందు మీ పిల్లలను ఈ ప్రశ్నలు అడగండి.. లేదంటే చాలా నష్టం..

దిశ, ఫీచర్స్ : బంధువుల ఇంటికి వెళ్లడం వల్ల పిల్లలు ఎక్స్‌టెండ్ ఫ్యామిలీతో బంధం ఏర్పరచుకోవడానికి, మంచి జ్ఞాపకాలను క్రియేట్ చేసుకునేందుకు దొరికే అద్భుతమైన అవకాశం. కానీ ఇలాంటి విజిట్స్ పిల్లలకు కొత్త పరిస్థితులు, భావోద్వేగాలు, సవాళ్లను కూడా తీసుకురావచ్చు. అందుకే బంధువుల ఇంటికి వెళ్లే ముందు తల్లిదండ్రులు తమ పిల్లలను కొన్ని ప్రశ్నలు అడగండి. వాటికి ఇచ్చిర సమాధానాలను బేస్ చేసుకుని వెళ్లొచ్చా లేదా నిర్ణయించండి.

ఇష్టమేనా?

ఈ చిన్న ప్రశ్న మీ పిల్లలకు బంధువుల ఇంటికి వెళ్లడం గురించి ఉత్సాహం, ఆందోళనలు, అయిష్టతను వ్యక్తపరచడానికి అవకాశం ఇస్తుంది. ఏవైనా సంకోచాలను ముందుగానే పరిష్కరించడం, వారి భావాలను అర్థం చేసుకోవడం చాలా అవసరం.

ఏం చేయాలనుకుంటున్నారు?

మీ బిడ్డను ప్లానింగ్‌లో చేర్చుకోవడం వల్ల వారు కూడా ఉత్సాహంగా ఉంటారు. అది బంధువులతో ఆడుకోవడమైనా లేదా వారి తాజా అభిరుచిని ప్రదర్శించడమైనా, ఈ ప్రశ్న వారి అంచనాలను పెంచడంలో సహాయపడుతుంది. వారు ప్రయాణం కోసం ఎదురు చూస్తున్నారని నిర్ధారిస్తుంది.

గృహ నియమాలు

ప్రతి కుటుంబం భిన్నంగా ఉంటుంది. ఈ ప్రశ్న అడగడం వలన బంధువుల ఇంట్లో చెప్పులు ఎక్కడ పెట్టాలి, కొన్ని వస్తువులను తాకకపోవడం వంటి నిర్దిష్ట నియమాలను వివరించడానికి వీలు కలుగుతుంది. ఇది మీ బిడ్డకు అపార్థాలను నివారించడానికి సహాయపడుతుంది.

ఎలా పలకరిస్తారు?

కొంతమంది పిల్లలకు కౌగిలింతలు లేదా ముద్దులు వంటి గ్రీటింగ్స్ అసౌకర్యంగా అనిపించవచ్చు. కాబట్టి నమస్కారం, షేక్ హ్యాండ్‌తో బంధువులను ఎలా పలకరించాలో తెలపడం వల్ల ఫ్రీ అవుతారు. పరస్పర చర్యలు సులభతరం అవుతాయి.

స్నాక్స్ లేదా బొమ్మలు తీసుకొస్తారా?

ఇష్టమైన స్నాక్, బొమ్మ లేదా పుస్తకాన్ని ప్యాక్ చేయడం వల్ల మీ బిడ్డకు తెలియని వాతావరణంలో మరింత సుఖంగా ఉండగలుగుతారు. ఈ ప్రశ్న డౌన్‌టైమ్‌లో వారిని ఎంగేజింగ్‌‌‌గా ఉంచడానికి సిద్ధంగా ఉన్నారని నిర్ధారిస్తుంది.

అసౌకర్య క్షణాలు

ఆటపట్టించడం, వారికి నచ్చని ప్రశ్నలు లేదా ఆకస్మిక కోపతాపాలు ఏదైనా అలాంటి క్షణాల గురించి చర్చించడం వల్ల పిల్లలకు భద్రతా భావన కలుగుతుంది. వారికి సహాయం అవసరమైతే మీరు వారికి మద్దతు ఇవ్వడానికి సిద్ధంగా ఉన్నారని అర్థమవుతుంది.