ఘోర రోడ్డు ప్రమాదం.. బీజేపీ కార్యకర్తలు మృతి

దిశ, వెబ్ డెస్క్ : ఈశాన్య రాష్ట్రం త్రిపురలో ఘోర రోడ్డు ప్రమాదం జరిగింది. అమర్‌పూర్ తాలూకా బీర్‌గాన్ పరిధిలోని లార్కిర్ డుకాన్ వద్ద జరిగిన ఈ ప్రమాదంలో ఐదుగురు బీజేపీ కార్యకర్తలు మృతి చెందగా, మరో 17 మంది తీవ్రంగా గాయపడ్డారు.

వివరాల ప్రకారం.. త్రిపుర సీఎం బిప్లవ్​ కుమార్ దేవ్​ నిర్వహించిన బీజేపీ ఎన్నికల ప్రచారంలో పాల్గొన్న వీరంతా.. ట్రక్కులో ప్రయాణిస్తున్నారు. ఘాట్​రోడ్డుపై వేగంగా వెళ్తున్న వాహనం అదుపుతప్పి ప్రమాదం జరిగి ఉండొచ్చని ప్రబీర్ పాల్ అనే పోలీసు అధికారి వివరించారు. వారి మరణంపై సీఎం బిప్లవ్​సంతాపం వ్యక్తం చేశారు. వారి కుటుంబాలకు ప్రగాఢ సానుభూతి తెలియజేశారు.