రన్నింగ్‌లో ఉన్న ‘బైక్‌’లో మంటలు.. క్షణాల్లో బూడిదైన వాహనం

దిశ, వెబ్‌డెస్క్ : రన్నింగ్‌లో ఉన్న బైక్‌లో ఒక్కసారిగా మంటలు చెలరేగాయి. చూస్తుండగానే క్షణాల్లో బైకు మంటల్లో కాలి బూడిదైంది. ఈ ఘటన మధ్యప్రదేశ్‌లోని సివనీ జిల్లా ఛపారాలో చోటుచేసుకుంది. వివరాల ప్రకారం.. ఛపారాలో ఓ వ్యక్తి తన బైకులో పెట్రోల్ కొట్టించుకున్నాడు. అనంతరం పెట్రోల్ బంక్‌కు సమీపంలోనే బైకులో ఒక్కసారిగా మంటలు చెలరేగాయి. ఈ క్రమంలో బైకర్.. బైక్ మీద నుంచి దూకి మంటల నుంచి తప్పించుకున్నాడు. సమాచారం అందుకున్న వెంటనే ఘటన స్థలానికి చేరుకున్న అగ్నిమాపక బృందం.. మంటలు ఆర్పడానికి ప్రయత్నించారు. కానీ అప్పటికే బైకు పూర్తిగా కాలి బూడిద అయిపోయింది.