సంగారెడ్డి జిల్లాలో భారీ అగ్నిప్రమాదం

దిశ, వెబ్ డెస్క్: సంగారెడ్డి జిల్లాలో భారీ అగ్నిప్రమాదం జరిగింది. ఓ గోదాములో శనివారం అర్ధరాత్రి భారీగా మంటలు చెలరేగాయి. గుమ్మడిదల మండలం బొంతపల్లి పారిశ్రామికవాడలో ఈ ఘటన చోటుచేసుకుంది. ఈ ప్రమాదంలో భారీగా ఆస్తినష్టం సంభవించింది. సమాచారం అందుకున్న ఫైర్ సిబ్బంది హుటాహుటిన ఘటనా స్థలానికి చేరుకుని మంటలను అదుపు చేశారు. అయితే అగ్నిప్రమాదానికి కారణాలు ఇంకా తెలియరాలేదు.